പ്രസിഡന്റ് തെരഞ്ഞെടുപ്പിനെ തുടര്ന്നുണ്ടായ കലാപങ്ങളില് ബന്ധമുണ്ടെന്നാരോപിച്ച് അറസ്റ്റ് ചെയ്ത ബ്രിട്ടീഷ് എംബസി ഉദ്യോഗസ്ഥരെ വിചാരണ ചെയ്യുമെന്ന് ഇറാന്റെ പരമോന്നത തെരഞ്ഞെടുപ്പ് സമിതിയായ ഗാര്ഡിയന് കൌണ്സില്. ഏതാനും പേര് തങ്ങളുടെ കസ്റ്റഡിയിലുണ്ടെന്ന് കൌണ്സില് വെള്ളിയാഴ്ച അറിയിച്ചു.
തെരഞ്ഞെടുപ്പിന് ശേഷം രാജ്യത്തുണ്ടായ സംഭവങ്ങളില് ഇവരുടെ എംബസി ഇടപെട്ടിട്ടുണ്ട്. അതിന്റെ അടിസ്ഥാനത്തിലാണ് ചിലരെ കസ്റ്റഡിയിലെടുത്തത്. ഇവര് കുറ്റസമ്മതം നടത്തിയതായും ഉദ്യോഗസ്ഥരെ വിചാരണ ചെയ്യുമെന്നും കൌണ്സില് വ്യക്തമാക്കി. ഇറാന് അറസ്റ്റ് ചെയ്ത ഒന്പത് എംബസി ഉദ്യോഗസ്ഥരില് ഏഴു പേരേയും വിട്ടയച്ചതായി ബ്രിട്ടന് അറിയിച്ചു.
എംബസി ഉദ്യോഗസ്ഥര് രാജ്യത്ത് കലാപമുണ്ടാക്കാന് പ്രേരിപ്പിച്ചതായി കൌണ്സില് ആരോപിച്ചു. എന്നാല് ആരോപണം അടിസ്ഥാന രഹിതമാണെന്നും ശേഷിക്കുന്ന ഉദ്യോഗസ്ഥരെ ഉടന് വിട്ടയക്കണമെന്നും ബ്രിട്ടന് ആവശ്യപ്പെട്ടിട്ടുണ്ട്. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ