സ്വാത് താഴ്വരയില് താലിബാന് കയ്യടക്കി വച്ചിരിക്കുകയായിരുന്ന സുപ്രധാന കൊടുമുടി പാക് സൈന്യം നിയന്ത്രണത്തിലാക്കി. മണിക്കൂറുകള് നീണ്ട പോരാട്ടത്തിനൊടുവിലാണ് കൊടുമുടിയുടെ നിയന്ത്രണം സൈന്യം ഏറ്റെടുത്തതെന്ന് ജിയോ ടി വി റിപ്പോര്ട്ട് ചെയ്തു.
പ്രവിശ്യയിലെ പ്രധാന കൊടുമുടിയായ 1747 ആണ് സൈന്യം പിടിച്ചത്. വളരെക്കാലമായി താലിബാന്റെ നിയന്ത്രണത്തിലായിരുന്നു ഈ മലനിരകള്. പോചാറിനും ബിഹാ താഴ്വരയ്ക്കും ഇടയിലാണ് ഈ കൊടുമുടി സ്ഥിതി ചെയ്യുന്നത്. താലിബാന് കമാന്ഡര് മൗലാന ഫസലുളളയുടെ താവളം ഇവിടെയായിരുന്നു എന്ന് സൈന്യം പറഞ്ഞു.
ശക്തമായ ആക്രമണത്തെ തുടര്ന്ന് നിരവധി തീവ്രവാദികള് ഇവിടെ നിന്ന് പലായനം ചെയ്തതായി സൈന്യം അറിയിച്ചു. കൊടുമുടിയുടെ നിയന്ത്രണം ഏറ്റെടുത്ത സൈന്യം നിരവധി ഒളിത്താവളങ്ങള് തകര്ത്തു. ഒളിത്താവളങ്ങളോടൊപ്പം നിരവധി തുരങ്കങ്ങളും തിവ്രവാദികള് ഇവിടെ സ്ഥാപിച്ചിരുന്നതായി സൈന്യം കണ്ടെത്തി. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ