ശ്രീലങ്കയിലെ വടക്കന് പ്രവിശ്യയില് എല്ടിടിഇ പ്രതിരോധ മേഖല സൈന്യം പിടിച്ചെടുത്തു. പ്രദേശത്ത് നിന്ന് 15000 തമിഴ് വംശജരെ സൈന്യം രക്ഷപ്പെടുത്തി. യുദ്ധ രഹിത മേഖലയില് പുലികളുടെ തടവിലായിരുന്ന സിവിലിയന്മാരെയാണ് മോചിപ്പിച്ചതെന്ന് സൈന്യം പറഞ്ഞു.
മുല്ലത്തീവിലെ പുതുമാതലന് പ്രദേശത്തെ മൂന്ന് കിലോമീറ്ററോളം ഭാഗം നിയന്ത്രണത്തിലാക്കിയതായി സൈന്യം അവകാശപ്പെട്ടു. ആദ്യമായാണ് ഇത്രയും പേരെ ഒറ്റയടിക്ക് സൈന്യം മോചിപ്പിക്കുന്നത്. കഴിഞ്ഞ ദിവസം 2000 സിവിലിയന്മാരെ പ്രദേശത്തു നിന്ന് സൈന്യം മോചിപ്പിച്ചിരുന്നു.
അതേസമയം, മുല്ലത്തീവിലെ യുദ്ധരഹിത മേഖലയില് ഇന്നലെ നടന്ന് ഏറ്റുമുട്ടലില് 17 പുലികള് കൊല്ലപ്പെട്ടിട്ടുണ്ട്. 20 പേര്ക്ക് പരുക്കേറ്റു. സിവിലിയന്മാരെ മനുഷ്യകവചമായി ഉപയോഗിച്ച് ആക്രമണം നടത്താന് പുലികള് തയ്യാറെടുക്കുകയാണെന്ന് ഇന്നലെയും സൈന്യം ആരോപിച്ചു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ