ഐക്യരാഷ്ട്ര സഭ വിളിച്ച് ചേര്ക്കുന്ന വംശീയത സംബന്ധിച്ച സമ്മേളനത്തില് പങ്കെടുക്കില്ലെന്ന് അമേരിക്ക അറിയിച്ചു. സമ്മേളനത്തില് ചര്ച്ച ചെയ്യുന്ന വിഷയങ്ങളിലുള്ള അഭിപ്രായ വ്യത്യാസത്തെ തുടര്ന്നാണ് യോഗത്തില് പങ്കെടുക്കാനില്ലെന്ന് അമേരിക്ക അറിയിച്ചത്. തിങ്കളാഴ്ച ജനീവയിലാണ് സമ്മേളനം.
അമേരിക്കയുടെ താല്ക്കാലിക വിദേശകാര്യ വക്താവ് റോബര്ട്ട് വുഡ് ആണ് സമ്മേളനത്തില് അമേരിക്കന് പ്രതിനിധികള് പങ്കെടുക്കില്ലെന്ന് അറിയിച്ചത്. വംശീയതയും വിവേചനവും എവിടെ ഉയര്ന്നുവന്നാലും അത് ഇല്ലാതാക്കാന് അമേരിക്ക ശ്രമിക്കുമെന്നും അദ്ദേഹം കൂട്ടിച്ചേര്ത്തു.
എന്നാല്, ഇസ്ലാമിക രാജ്യങ്ങള് ഇസ്രയേല് - പലസ്തീന് പ്രശ്നം സമ്മേളനത്തില് ഉന്നയിക്കുമെന്ന ഭയമാണ് അമേരിക്കന് പിന്മാറ്റത്തിന് കാരണം എന്നാണ് രാഷ്ട്രീയ നിരീക്ഷകര് വിലയിരുത്തുന്നത്. കാനഡയും ഇസ്രയേലും സമ്മേളനം ബഹിഷ്കരിക്കുമെന്ന് നേരത്തെ പ്രഖ്യാപിച്ചിരുന്നു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ