പാകിസ്ഥാനെ ഇന്ത്യ ആക്രമിക്കുന്ന സാഹചര്യം വരികയാണെങ്കില് ഇന്ത്യക്കെതിരെ പാക് പൌരന്മാര് ജിഹാദ് നടത്തണമെന്ന് പാകിസ്ഥാനിലെ മതനേതാക്കള് ഫത്വയിറക്കി. ഇത് അനുസരിക്കാത്തവര് കടുത്ത നടപടികള് നേരിടേണ്ടി വരും.
ഇന്ത്യന് ആക്രമണം ഉണ്ടാവുകയാണെങ്കില് പൌരന്മാര് എങ്ങിനെ പാകിസ്ഥാനെ സഹായിക്കണം എന്ന് ചര്ച്ച ചെയ്യാന് വിളിച്ച യോഗത്തിലാണ് ഈ ഫത്വ പ്രഖ്യാപിക്കപ്പെട്ടത്. പാകിസ്ഥാന് മന്ത്രി നൂറുള് ഹഖ് ഖദ്രിയുടെ അധ്യക്ഷതയിലാണ് യോഗം നടന്നത്.
പാകിസ്ഥാനെ ഭീകരരാഷ്ട്രമായി ചിത്രീകരിക്കാനായി ഇന്ത്യയും അമേരിക്കയും ഗൂഢാലോചന നടത്തുകയാണെന്ന് യോഗം വിലയിരുത്തി. ഈ ഗൂഢാലോചന പൊളിക്കാനും ഗൂഢാലോചന ആസൂത്രണം ചെയ്യുന്ന ഇന്ത്യയെയും അമേരിക്കയെയും ലോകജനതയ്ക്ക് മുമ്പില് കൊണ്ടുവരാനും യോഗം പാകിസ്ഥാന് സര്ക്കാരിനോട് ആവശ്യപ്പെട്ടു.
മത നേതാക്കള്ക്ക് പുറമെ പാക്കിസ്ഥാനിലെ പ്രമുഖ രാഷ്ട്രീയ നേതാക്കളും സമ്മേളനത്തില് പങ്കെടുത്തു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ