മുംബൈ ഭീകരാക്രമണത്തിന് പിന്നില് പ്രവര്ത്തിച്ചവരെന്ന് സംശയിക്കപ്പെടുന്ന ഭീകരരെ ഇന്ത്യയ്ക്ക് കൈമാറില്ലെന്നും ഇരു രാജ്യങ്ങളും തമ്മില് കുറ്റവാളികളെ കൈമാറാനുള്ള കരാറില്ലെന്നും പാകിസ്ഥാന് വിദേശകാര്യ മന്ത്രി ഷാ മഹമ്മൂദ് ഖുറേഷി പറഞ്ഞു.
കുറ്റവാളികളെ കൈമാറാന് കരാറിന്റെ ആവശ്യമില്ലെന്ന ഇന്ത്യന് വിദേശകാര്യ മന്ത്രി പ്രണബ് മുഖര്ജിയുടെ പ്രസ്താവനയെത്തുടര്ന്നാണ് പാക് മന്ത്രിയുടെ ഈ പ്രസ്താവന. അന്താരാഷ്ട്ര നിയമത്തിന് കീഴില് കുറ്റവാളികള്ക്കെതിരെ നടപടിയെടുക്കാന് പാകിസ്ഥാന് ബാധ്യതയുണ്ടെന്ന് മുഖര്ജി പറഞ്ഞിരുന്നു.
എന്നാല് മുംബൈ ആക്രമണത്തിന് പിന്നിലുള്ളവരെക്കുറിച്ച് പാകിസ്ഥാന് സ്വന്തം നിലയില് അന്വേഷിക്കുന്നുണ്ടെന്നും ഇന്ത്യയുടെയും പാകിസ്ഥാന്റെയും താല്പര്യമനുസരിച്ചായിരിക്കും ഇവര്ക്കെതിരെ നടപടിയെന്നും മഹമ്മൂദ് ഖുറേഷി പറഞ്ഞു. ഭീകരവാദം ഇരു രാജ്യങ്ങളുടെയും പൊതു ശത്രുവാണെന്നും ഇതിനെതിരെ ഒന്നിച്ചുള്ള നീക്കമാണ് വേണ്ടതെന്നും അദ്ദേഹം പറഞ്ഞു.
| 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ