തമിഴ് പുലികളുടെ രാഷ്ട്രീയ ആസ്ഥാനമായ കിളിനൊച്ചിയിലേക്ക് ശ്രീലങ്കന് സൈന്യം ഇരച്ചു കയറിക്കൊണ്ടിരിക്കുന്നതായി റിപ്പോര്ട്ട്. കിളിനൊച്ചിക്കരികിലുള്ള ഇറനാമാട്, പരന്തന് ടൗണ് എന്നീ സ്ഥലങ്ങള് ഇപ്പോള് തന്നെ ശ്രീലങ്കന് സൈന്യത്തിന്റെ നിയന്ത്രണത്തിലാണ്.
രണ്ട് ദിവസത്തിനകം കിളിനൊച്ചി പിടിച്ചെടുക്കുമെന്ന് ശ്രീലങ്കന് സര്ക്കാര് അറിയിച്ചു. ശ്രീലങ്കന് കരസേനയും വ്യോമ നാവികസേനകളും രൂക്ഷമായ പോരാട്ടമാണ് നടത്തിക്കൊണ്ടിരിക്കുന്നത്. തമിഴ് പുലികള് ചെറുത്തുനില്പ്പിന് ശ്രമിക്കുന്നുണ്ട്. എന്നാന് അംഗബലത്തില് കുറവായ അവര്ക്ക് കാര്യമായൊന്നും ചെയ്യാനാവുന്നില്ല.
കിളിനൊച്ചി പിടിച്ചെടുക്കാന് സൈന്യം നടത്തുന്ന യുദ്ധത്തില് 50 തമിഴ് പുലികളെ വധിച്ചുവെന്ന് സൈന്യം അറിയിച്ചു.
ശ്രീലങ്കന് സൈന്യം നടത്തുന്ന നരനായാട്ട് തടയാന് കേന്ദ്രസര്ക്കാര് ഇടപെടണമെന്നും വിദേശകാര്യ മന്ത്രി പ്രണബ് മുഖര്ജിയെ ഇതിനായി ശ്രീലങ്കയിലേക്ക് അയയ്ക്കണമെന്നും തമിഴ്നാട് മുഖ്യമന്ത്രി കരുണാനിധി ആവശ്യപ്പെട്ടിരുന്നു. കേന്ദ്രം ഇത് സംബന്ധിച്ച് അനുഭാവപൂര്ണ്ണമായ നിലപാട് എടുക്കുമെന്ന് പ്രധാനമന്ത്രി തമിഴ്നാട് മുഖ്യമന്ത്രിക്ക് ഉറപ്പ് നല്കിയിട്ടുമുണ്ട്. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ