ഒറ്റപ്രസവത്തില് ഏഴ് കുട്ടികള്! ഈജിപ്തിലെ തീരദേശ നഗരമായ അലക്സാണ്ട്രിയയിലാണ് സംഭവം.
ഗസല ഖമീസ് എന്ന ഇരുപത്തി എഴ്കാരിയാണ് എഴ് കുഞ്ഞുങ്ങള്ക്ക് ജന്മമേകിയത്. ഗസല സുഖമായിരിക്കുന്നുവെന്ന് പ്രസവം നടന്ന എല് ഷത്ബി ആശുപത്രിയുടെ ഡയറക്ടര് ഇമാദ് ദാര്വിഷ് പറഞ്ഞു. ശസ്ത്രക്രിയയിലൂടെ ആണ് കുഞ്ഞുങ്ങളെ പുറത്തെടുത്തത്.
മൂന്ന് പെണ്കുട്ടികളും നാല് ആണ്കുട്ടികളുമാണ് ഒറ്റപ്രസവത്തില് ജനിച്ചത്. ഇവരെ ഇന്കുബേറ്ററില് വച്ചിരിക്കുകയാണ്.
ഗര്ഭത്തിന്റെ എട്ടാം മാസത്തിലാണ് ശസ്ത്രക്രിയബ് വേണമെന്ന് തീരുമാനിച്ചതെന്ന് ദാര്വിഷ് വെളിപ്പെടുത്തി. ഗര്ഭപാത്രത്തില് നിന്നുള്ള സമ്മര്ദ്ദം മാതാവിന്റെ കിഡ്നിയെ ബാധിക്കാന് തുടങ്ങിയതിനാലാണിത്.
ഒരു കര്ഷകന്റെ ഭാര്യയായ ഗസലയ്ക്ക് നേരത്തേ തന്നെ മൂന്ന് പെണ്കുട്ടികളുണ്ട്. ഈശ്വരന് തരികയാണെങ്കില് ഇനിയും കുഞ്ഞുങ്ങള്ക്ക് ജന്മം നല്കുമെന്നാണ് ഗസല പറയുന്നത്.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ