പാകിസ്ഥാനില് വടക്ക് പടിഞ്ഞാറന് അതിര്ത്തി പ്രവിശ്യയിലെ വസീരിസ്ഥാനില് സൈനികന്റെ തല വെട്ടി. താലിബാന് തീവ്രവാദികളാണ് ഇതിന് പിന്നിലെന്ന് കരുതുന്നു. അമേരിക്കന് ചാരനാണ് ഇയാളെന്ന് രേഖപ്പെടുത്തിയ കുറിപ്പും മൃതദേഹത്തിനരികില് നിന്ന് ലഭിച്ചു.
ഫിറോസ് ഖാന് എന്നാണ് കൊല്ലപ്പെട്ട സൈനികന്റെ പേര്. വടക്കന് വസിരിസ്ഥാനിലെ മിര് അലി നഗരത്തില് നിന്നുള്ള ആളാണ് ഇയാള്. ഏപ്രില് 23ന് തട്ടിക്കൊണ്ടു പോയ ഇയാളുടെ മൃതശരീരം മിറാന്ഷാ മാര്ക്കറ്റിന് സമീപത്ത് നിന്നാണ് ലഭിച്ചത്.
ഫിറോസ് അമേരിക്കന് ചാരനായിരുന്നുവെന്നും ഇയാളുടെ കുറ്റസമ്മതം അടങ്ങുന്ന വീഡിയോ ടേപ്പ് ഉടന് തന്നെ മിറാന്ഷായിലെ മാര്ക്കറ്റുകളില് ലഭിക്കുമെന്നും മൃതദേഹത്തില് നിന്നും ലഭിച്ച കുറിപ്പില് എഴുതിയിരുന്നു. മൃതദേഹത്തില് ബുള്ളറ്റ് തറച്ച മുറിവുകളുണ്ടായിരുന്നു. താലിബാന്റെ പ്രാദേശിക വിഭാഗമാണ് ഇയാളുടെ തല വെട്ടിയതെന്ന് ദൃക്സാക്ഷികള് പറയുന്നു.
വടക്ക് പടിഞ്ഞാറന് അതിര്ത്തി പ്രവിശ്യയിലും സ്വാത് താഴ്വരയിലും നേരത്തേയും നിരവധി സുരക്ഷാ ഉദ്യോഗസ്ഥരെ താലിബാന് തലവെട്ടി കൊലചെയ്തിട്ടുണ്ട്. അമേരിക്കന് ചാരന്മാരായിരുന്നുവെന്ന് ആരോപിച്ചാണ് ഇത്.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
