കൌരവരില് ഗുരുതുല്യനായ ബാബയുടെ നെഞ്ചിലേക്ക് കത്തി കുത്തിയിറക്കുകയാണ് ആന്റണി. അയാള്ക്ക് അതേ ചെയ്യാന് കഴിയുമായിരുന്നുള്ളൂ. മക്കളെ രക്ഷിക്കാനായി അയാള് ബാബയെ കൊല്ലുന്നു. ആ ശരീരം മടിയില് കിടത്തി വിമ്മിക്കരയുന്ന ആന്റണിയെ മലയാളത്തിന് മറക്കാനാവില്ല. തന്റെ ശത്രുവിന്റെ മക്കളില് ഒരാള് തന്റെ മകളാണെന്ന് തിരിച്ചറിയുന്ന ആന്റണി അവിടെ ശത്രുത മറക്കുകയാണ്. പകയ്ക്കും പ്രതികാരത്തിനും മരണത്തിനും മേലെ പുത്രിയോടുള്ള സ്നേഹം അയാളെ നന്മയുള്ള മനുഷ്യനാക്കിത്തീര്ക്കുന്നു.തനിക്കായി കാത്തിരിക്കുന്ന പ്രണയിനിയെ തേടി ചകോരത്തിലെ നായകന് എത്തുമെങ്കിലും അയാളുടെ ജീവിതം പാതി വഴിയില് അവസാനിക്കുന്നു. മരിച്ചു കിടക്കുന്ന അയാളുടെ കൈയില് ഒരു താലിയുണ്ട്. ശാരദാമണിയുടെ കഴുത്തില് അണിയിക്കേണ്ടിയിരുന്ന താലി.ലോഹിതദാസ് സംവിധാനം ചെയ്ത ആദ്യ ചിത്രമായ ഭൂതക്കണ്ണാടിയില് കാമഭ്രാന്തന്മാരാന് കൊലചെയ്യപ്പെട്ട ഒരു പെണ്കുട്ടിയുണ്ട്. എല്ലാ പെണ്കുട്ടികളെയും കാത്ത് കഴുകന് കണ്ണുകളാല് ആരൊക്കെയോ ഉണ്ടെന്ന തോന്നലാണ് നായകനായ വിദ്യാധരന്. മരണത്തെച്ചൊല്ലിയുള്ള ഭയവും അമിതമായ ഉത്കണ്ഠകളും അയാളെ വിഭ്രാന്തിയിലെത്തിക്കുന്നു. വിദ്യാധരന്റെ ഭാര്യ മരിച്ചത് പാമ്പുകടിയേറ്റാണ്. പാമ്പുകളെ അയാള് ഭയന്നു തുടങ്ങുന്നത് അന്നുമുതലാണ്.സ്വന്തം മകന് സര്ക്കാര് ജോലി ലഭിക്കാനായി ആത്മഹത്യ ചെയ്യുകയാണ് കാരുണ്യത്തിലെ മുരളിയുടെ കഥാപാത്രം. എന്നാല് സതീശന് എന്ന നായകന്റെ കുറ്റബോധം ആരെയും വേദനിപ്പിക്കും. അയാള് അച്ഛനെ കൊന്നുകളഞ്ഞാലോയെന്ന് ഒരു നിമിഷം ചിന്തിച്ചുപോകുന്ന ഭ്രാന്തമായ ഒരവസ്ഥ ആ ചിത്രം കാണിച്ചുതരുന്നുണ്ട്. എല്ലാ പാപങ്ങളുടെയും ഭാരം കഴുകിക്കളയാന് സതീശന് ഒരു തീര്ത്ഥാടനം നടത്തുകയാണ്. |
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
