ഇന്ത്യ നല്കുന്ന പരമോന്നത സിവിലിയന് ബഹുമതിയാണ് ഭാരതരത്നം. ആലിലയുടെ രൂപത്തിലുള്ള സ്വര്ണ്ണ പതക്കത്തില് സൂര്യന്റെ ചിഹ്നവും അതില് ദേവനാഗരി ലിപിയില് ‘ഭാരതരത്ന’ എന്ന വാക്കുകളുമാണ് ഉണ്ടാവുക. 1954 ലാണ് ആദ്യമായി ഭാരതരത്ന അവാര്ഡ് നല്കുന്നത്. അതാകട്ടെ മൂന്ന് തെന്നിന്ത്യക്കാര്ക്കായിരുന്നു, അതും തമിഴ്നാട്ടുകാര്ക്ക് - ഡോ.സര്വ്വേപ്പള്ളി രാധാകൃഷ്ണന്, രാജഗോപാലാചാരി, ഡോ.സി.വി.രാമന് എന്നിവര്ക്ക്. അവസാനം നല്കിയത് 2008 ല് - ഇതിന് അര്ഹനായത് കര്ണ്ണാടക സ്വദേശിയായ സംഗീതജ്ഞന് പണ്ഡിറ്റ് ഭീംസെന് ജോഷിയാണ്. ഇതുവരെ 41 പേര്ക്കാണ് ഭാരതരത്ന നല്കിയത്.ഭാരതരത്ന അവാര്ഡ് നേടുന്നവര്ക്ക് പേരിനോടൊപ്പം ചേര്ക്കാന് ബഹുമതി പേരുകളൊന്ന്നും നല്കാറില്ല. പക്ഷെ, അവര്ക്ക് പൌരന്മാരില് മുന്തിയ പരിഗണന ലഭിക്കും. 1954 ജനുവരി 2 ന് രാഷ്ട്രപതി ഡോ.രാജേന്ദ്ര പ്രസാദാണ് ഭാരതരത്ന, പത്മവിഭൂഷണ്, പത്മഭൂഷണ്, പത്മശ്രീ തുടങ്ങിയ സിവിലിയന് അവാര്ഡുകള് തുടങ്ങിവച്ചത്. |
തിരച്ചിലുമായി ബന്ധപ്പെട്ട വിവരങ്ങള് |
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
