ജനപ്രിയ സോഷ്യല് നെറ്റ്വര്ക്ക് സൈറ്റായ മൈസ്പേസ് വീഡിയോ ഗെയിം മേഖലയിലേക്ക് തിരിയുന്നു. അംഗങ്ങളുടെ കൊഴിഞ്ഞുപോക്ക് തടയാനാണ് പുതിയ വീഡിയോ ഗെയിം പ്ലാറ്റ്ഫോം പദ്ധതി തുടങ്ങുന്നത്. നിലവില് മൈസ്പേസിലെ അംഗങ്ങളെല്ലാം ഫേസ്ബുക്കിലേക്ക് നീങ്ങിക്കൊണ്ടിരിക്കുകയാണെന്ന് റിപ്പോര്ട്ടുണ്ടായിരുന്നു. ഇതെല്ലാം മുന്നില് കണ്ടു കൊണ്ടാണ് മൈസ്പേസില് പുതിയ ഓണ്ലൈന് ഗെയിമുകള് കൊണ്ടുവരാന് തീരുമാനിച്ചത്.
ഫേസ്ബുക്കുമായി മത്സരിക്കാന് ശക്തമായ ഓണ്ലൈന് വീഡിയോ ഗെയിം പ്ലാറ്റ്ഫോം ആവശ്യമാണെന്നും ഇതിനായുള്ള പ്രവര്ത്തനങ്ങള് നടന്നുക്കൊണ്ടിരിക്കുയാണെന്നും ന്യൂസ് കോര്പ്പറേഷന് ഡിജിറ്റല് മേധാവി ജൊനാത്തന് മില്ലര് പറഞ്ഞു. സന്ദര്ശകരെ കൂടുതല് സമയം സൈറ്റില് പിടിച്ചിരുത്തണമെങ്കില് നല്ല ഗെയിമുകള് വേണ്ടതുണ്ടെന്നും മില്ലര് പറഞ്ഞു.
മൈസ്പേസ് ഇനി മുതല് ഒരു ഗെയിം പ്ലാറ്റ്ഫോം കൂടിയായിരിക്കും. ജനങ്ങളുമായി ബന്ധങ്ങള് സൃഷ്ടിക്കാനും കളിക്കാനും ഇവിടെ അവസരമുണ്ടായിരിക്കുമെന്നും മില്ലര് കൂട്ടിച്ചേര്ത്തു. ഫേസ്ബുക്കില് 307 ദശലക്ഷം സ്ഥിരം സന്ദര്ശകരുണ്ട്. എന്നാല്, മൈസ്പേസില് നിലവില് 125 ദശലക്ഷം പേര് മാത്രമാണ് എത്തുന്നത്.
2005ല് മൈസ്പേസിനെ 580 ദശലക്ഷം ഡോളറിനാണ് ന്യൂസ് കോര്പ്പറേഷന് വാങ്ങിയത്. എന്നാല്, ഫേസ്ബുക്കും ട്വിറ്ററും സജീവമായതോടെയാണ് മൈസ്പേസിന് സന്ദര്ശകര് കുറഞ്ഞത്. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ