യൂറോപ്പിലും റഷ്യയിലും മൊബൈല് നാവിഗേഷനില് നോകിയ ഒന്നാം സ്ഥാനത്താണെന്ന് പഠനങ്ങള് തെളിയിക്കുന്നു. ഫ്രോസ്റ്റ് ആന്ഡ് സുല്ലിവന് കമ്പനിയാണ് ഇത്തരമൊരു പഠനം നടത്തിയത്. യൂറോപ്പിലെയും റഷ്യയിലെയും മൊബൈല് വരിക്കാര് നാവിഗേഷന് സേവനത്തിന് കൂടുതലായി ഉപയോഗിക്കുന്നത് നോകിയയുടെ സഹായമാണ്.
വിവിധ മൊബൈല് നാവിഗേഷനുകളുടെ ലക്ഷ്യങ്ങള് സംബന്ധിച്ചാണ് പഠനം നടത്തിയത്. നാവിഗേഷന് സേവനങ്ങള് ജനങ്ങള്ക്ക് അറിയുമോ, ഉപയോക്താക്കള് ഇതില് സംതൃപ്തരാണോ, എങ്കില് ഏതൊക്കെ നാവിഗേഷന് സേവനങ്ങളാണ് മൊബൈല് വരിക്കാര് ഉപയോഗിക്കുന്നത് എന്നീ വിഷയങ്ങളിലാണ് ഗവേഷണം നടത്തിയത്.
മൊബൈല് നാവിഗേഷന് സര്വേയ്ക്കായി ഫ്രാന്സ്, ജര്മ്മനി, ഇറ്റലി, സ്പെയിന്, യു കെ, ബെനിലക്സ്, റഷ്യ എന്നീ രാജ്യങ്ങളിലായി 3119 പേരുമായി അഭിമുഖം നടത്തി. ഇതില് റഷ്യയില് മാത്രം 600 പേരെ അഭിമുഖം നടത്തി. സര്വേയില് പങ്കെടുത്തവരില് യൂറോപ്പിലെ 62 ശതമാനം പേര്ക്കും റഷ്യയിലെ 77 ശതമാനം പേര്ക്കും മൊബൈല് നാവിഗേഷന് എന്താണ് അറിയില്ലെന്നാണ് കണ്ടെത്തിയത്.
യൂറോപ്പിലെ ജി പി എസ് ഉപകരണ നിര്മ്മാണ മേഖലയില് മുന്നിട്ടു നില്ക്കുന്ന കമ്പനിയാണ് ഫ്രോസ്റ്റ് ആന്ഡ് സുല്ലിവന്. 2008 വര്ഷത്തില് ഫ്രോസ്റ്റ് ആന്ഡ് സുല്ലിവന് 30 ദശലക്ഷത്തോളം ഡിവൈസുകളാണ് വിപണിയിലിറക്കിയത്. 2010ല് 80 ദശലക്ഷം ഡിവൈസുകള് പുറത്തിറക്കാനാണ് കമ്പനി ലക്ഷ്യമിടുന്നതെന്ന് അധികൃതര് അറിയിച്ചു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ