ഇറാനില് എസ് എം എസ് നിയന്ത്രണം നീക്കി. ഇറാനില് പ്രസിഡന്റ് തെരഞ്ഞെടുപ്പ് വിവാദങ്ങളെ തുടര്ന്നാണ് എസ് എം എസ്, മൊബൈല് തുടങ്ങീ സേവനങ്ങള്ക്ക് നിയന്ത്രണം കൊണ്ടുവന്നത്. എന്നാല്, നിയന്ത്രണം നീങ്ങിയെങ്കിലും എസ് എം എസ് അയക്കുന്നതില് ചില സാങ്കേതിക പ്രശ്നങ്ങള് ഇപ്പോഴും നിലനില്ക്കുന്നതായി ഇറാനിയന് ന്യൂസ് ഏജന്സികള് റിപ്പോര്ട്ട് ചെയ്യുന്നു.
പ്രസിഡന്റ് തെരഞ്ഞെടുപ്പ് വിവാദങ്ങളെ തുടര്ന്നുണ്ടായ കലാപങ്ങള് അടക്കിനിര്ത്താന് വേണ്ടിയാണ് എസ് എം എസുകള്ക്ക് നിയന്ത്രണം കൊണ്ടുവന്നത്. ജൂണ് പതിനൊന്ന് മുതലാണ് എസ് എം എസ് നിയന്ത്രണം നിലവില് വന്നത്.
എസ് എം എസ് സേവനം പുന:സ്ഥാപിച്ചതോടെ നേരത്തെ അയച്ച സന്ദേശങ്ങളുടെ പ്രവാഹമാണെന്നാണ് ഇറാന് മൊബൈല് ഉപഭോക്താക്കള് പറയുന്നത്.
ഇതിനു പുറമെ ഒരെ സന്ദേശങ്ങള് നിരവധി തവണ ലഭിക്കുന്നതായും പരാതിയുണ്ട്. എന്നാല്, ഇത്തരത്തിലുള്ള പ്രശ്നങ്ങള്ക്ക് പരിഹാരം കാണാന് ഇറാന് ടെലികോം വകുപ്പിന് സാധിച്ചിട്ടില്ല. രണ്ടോ മൂന്നോ ദിവസം കഴിയുമ്പോള് എല്ലാം ശരിയാകുമെന്നാണ് ടെലികോം കമ്പനികള് പറയുന്നത്.
എസ് എം എസ്, മൊബൈല്, നെറ്റ് സേവനങ്ങളില് നിയന്ത്രണം കൊണ്ടുവന്നതിനെ തുടര്ന്ന് ഇറാന് സാമ്പത്തിക മേഖലയ്ക്ക് വന് നഷ്ടം വരുത്തിയെന്നും റിപ്പോര്ട്ടുകളുണ്ട്. ഇതിനു പുറമെ ഫേസ്ബുക്ക്, യൂട്യൂബ് എന്നീ ജനപ്രിയ വെബ്സൈറ്റുകളും ഇറാനില് ബ്ലോക്ക് ചെയ്തിരുന്നു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ