ലോസ്ഏഞ്ചല്സ്: ആഗോള സാമ്പത്തിക മാന്ദ്യം ബാധിച്ചിട്ടില്ലെങ്കില്, ഒരുപാട് പണം ചെലവാക്കാന് തയ്യാറാണെങ്കില് ഇത് നല്ലൊരു സമയമാണ്. ലോകത്തെ ഏറ്റവും വിലകൂടിയ ഐഫോണ് വാങ്ങാനുള്ള അവസരം. ഡയമണ്ടുകള് പതിച്ച, സ്വര്ണം പൂശിയ പുതിയ ഐഫോണ് ത്രീജി സെറ്റ് സെല്ഫോണ് വിപണിയില് ഇറങ്ങിക്കഴിഞ്ഞു.
വിലക്കൂടിയ വസ്തുക്കള് നിര്മ്മിക്കുന്ന ഗോള്ഡ്സ്ട്രൈക്കറിലെ സ്റ്റുവര് ഹൂഗ്സാണ് ഇരുപത്തിരണ്ട് കാരറ്റ് സ്വര്ണത്തില് പൊതിഞ്ഞ ഐഫോണ് ത്രീജി ഡയമണ്ട് സെറ്റ് രൂപകല്പന ചെയ്തത്. സാധാരണ ഐഫോണിലെ എല്ലാ സേവനവും ലഭിക്കുന്ന സെറ്റില് വിലകൂടിയ ഡയമണ്ടുകളും സ്വര്ണ കവറിംഗും മാത്രമാണ് പ്രത്യേകത. പുതിയ ഡയമണ്ട് ഐഫോണിന് 16 ലക്ഷം രൂപ വിലവരുമെന്നാണ് വിപണിവൃത്തങ്ങള് സൂചിപ്പിക്കുന്നത്.
ഡയമണ്ടും സ്വര്ണവും ഉപയോഗിച്ച വിലകൂടിയ സെറ്റില് സാങ്കേതികതയില് ഒട്ടും കുറവ് വരുത്തിയിട്ടില്ല. ടച്ച് സ്ക്രീന് സെറ്റില് 16 ജിബി മെമ്മറി കാര്ഡ്, ബ്ലൂടൂത്ത്, രണ്ട് മെഗാപിക്സല് ക്യാമറ, മൈക്രോഫോണ് എന്നീ സേവനങ്ങള് സജ്ജീകരിച്ചിട്ടുണ്ട്. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ