രോഗിയുടെ ശാരീരിക വിവരങ്ങള് വിശദീകരിക്കാന് സഹായിക്കുന്ന സോഫ്റ്റ്വയറുമായി ലോക മുന്നിര ഐ ടി കമ്പനിയായ ഐ ബി എം രംഗത്തെത്തി. ഡെന്മാര്ക്കിലെ തിമോര്സ് ആശുപത്രിയിലെ ഡോക്ടര്മാരുടെ സഹായത്തോടെയാണ് ഇത്തരമൊരു സോഫ്റ്റ്വയര് നിര്മ്മിക്കുന്നത്. രോഗിയുടെ ശരീരഘടനയുടെയും ആന്തരാവയവങ്ങളുടെയും ത്രിമാന ചിത്രങ്ങളും അനുബന്ധ വിവരങ്ങളും നല്കുന്ന സോഫ്റ്റ്വയര് ഡോക്ടര്മാര്ക്ക് ഏറെ ഉപകാദപ്രദമായിരിക്കും. ഹൃദയത്തെ കുറിച്ചാണ് നിങ്ങള്ക്ക് അറിയേണ്ടതെങ്കില് ഹൃദയ ലിങ്കില് ക്ലിക്ക് ചെയ്യുന്നതോടെ അത് സംബന്ധിച്ചുള്ള ഏറ്റവും പുതിയ വിവരങ്ങള് വരെ ലഭിക്കും. ഇതിലൂടെ ഒരു രോഗിയുടെ രോഗത്തിന്റെ വ്യക്തമായ ചിത്രം ഡോക്ടര്ക്ക് ലഭിക്കും.നിരവധി രോഗികളില് നിന്നും ഡോക്ടര്മാരുടെ അനുഭവങ്ങളുടെ വിവരങ്ങളില് നിന്നാണ് ഇത്തരമൊരു സോഫ്റ്റ്വയര് നിര്മ്മിച്ചിരിക്കുന്നത്. അതേസമയം, പരീക്ഷണാടിസ്ഥാനത്തില് പുതിയ സോഫ്റ്റ്വയര് വിവിധ ആശുപത്രികളില് പരീക്ഷിക്കുമെന്ന് സോഫ്റ്റ്വയര് നിര്മ്മാണ സംഘം അറിയിച്ചു. |
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
