ലോകത്തെ പ്രമുഖ സെല്ഫോണ് നിര്മ്മാതാക്കളായ നോകിയയുടെ മൊബൈല് സോഫ്റ്റ്വെയര് ഡൌണ്ലോഡ് സേവനം ഉടന് തന്നെ തുടങ്ങുമെന്ന് കമ്പനി അറിയിച്ചു. ആപ്പിള് കമ്പനിയുടെ ഓണ്ലൈന് സ്റ്റോര് വന് വിജയമായതിനെ തുടര്ന്നാണ് നോകിയയും ഇത്തരമൊരു സോഫ്റ്റ്വെയര് ഡൌണ്ലോഡിംഗ് സംവിധാനം തുടങ്ങുന്നത്. ഗൂഗിളും ആപ്പിളുമൊക്കെ മൊബൈല് വിപണിയിലേക്ക് കടന്നു വന്നതോടെയാണ് മൊബൈല് സോഫ്റ്റ്വെയര് ഡെവലപ്മെന്റിന് ഇത്രയേറെ പ്രാധാന്യമേറിയത്.
സോഫ്റ്റ്വെയര് ഡൌണ്ലോഡിംഗ് സ്റ്റോര് തങ്ങളുടെ ഉപഭോക്താക്കള്ക്ക് ഏറെ പ്രയോജനകരമാകുമെന്നാണ് കരുതുന്നതെന്ന് നോകിയ അധികൃതര് പറഞ്ഞു. ഐഫോണ് ഉപഭോക്താക്കള്ക്കിടയില് ഏറെ പ്രചാരം നേടിയ ഒന്നായിരുന്നു ആപ്പിള് ഓണ്ലൈന് സ്റ്റോര്. ഇത് വഴി നിരവധി മൊബൈല് സോഫ്റ്റ്വെയറുകള് സൌജന്യമായും നിശ്ചിത വിലയ്ക്കും വിപണനം നടത്തിക്കഴിഞ്ഞു.
കഴിഞ്ഞ മാസത്തെ കണക്കുകള് പ്രകാരം ആപ്പിള് സ്റ്റോറില് ഏകദേശം 15,000 ഡൌണ്ലോഡിംഗ് ആപ്ലിക്കേഷന്സ്
500 ദശലക്ഷം പേര് ഉപയോഗിച്ചുവെന്നാണ് കമ്പനി അവകാശപ്പെടുന്നത്. അതേസമയം, മൈക്രോസോഫ്റ്റ് കോര്പ്പറേഷനും മൊബൈല് ഓണ്ലൈന് ബാസാര് തുടങ്ങാനിരിക്കയാണ്. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ