നാനോ സാങ്കേതിക വിദ്യാ രംഗത്ത് ഇന്ത്യയെ മുന്നിരയില് എത്തിക്കുക എന്ന ലക്ഷ്യവുമായി മൂന്നു ഗവേഷണ സ്ഥാപനങ്ങള് കേന്ദ്ര സര്ക്കാര് ആരംഭിക്കുന്നു. കൊല്കൊത്ത, ബാംഗലൂരു മൊഹാലി എന്നിവടങ്ങളിലാണ് നാനോ ടെക്നോളജി ഗവേഷണ കേന്ദ്രങ്ങള് നിലവില് വരുന്നത്.
ഈ സ്ഥാപനങ്ങള്ക്കായി സര്ക്കാര് 100 കോടി രൂപ അനുവദിച്ചിട്ടുണ്ടെന്ന് ശാസ്ത്ര സാങ്കേതിക വകുപ്പ് സെക്രട്ടറി ടി രാമസാമി പറഞ്ഞു. ശാസ്ത്ര സാങ്കേതിക വകുപ്പിന്റെ നാനോ ദൌത്യത്തിന്റെ ഭാഗമായി നിലവില് വരുന്ന ഈ ഗവേഷണ കേന്ദ്രങ്ങള്ക്ക് വേണട പിന്തുണ നല്കുമെന്ന് സംസഥാന സര്ക്കാരുകളും വ്യക്തമാക്കിയിട്ടുണ്ട്.
നാനോ സാങ്കേകതിക വിദ്യയെ ഒരു പഠനവിഷയമായി വളര്ത്തിയെടുക്കാനാണ് ഈ പദ്ധതിയിലൂടെ ലക്ഷ്യമിടുന്നതെന്ന് രാമസാമി പറഞ്ഞു. നാനോ സാങ്കേതിക വിദ്യാ പഠനത്തിനായി ഇത്തരം കേന്ദ്രങ്ങള് ഇന്ത്യയില് ആരംഭിക്കുന്നത് ആദ്യമായാണെങ്കിലും ഈ മേഖലയില് ഇപ്പോള് തന്നെ 50 മുതല് 60 വരെ സംഘങ്ങള് പ്രവര്ത്തിക്കുന്നുണ്ടെന്നും അദ്ദേഹം അറിയിച്ചു.
|
അഭിപ്രായം,നിര്ദ്ദേശം
സുഹൃത്തിന് അയക്കൂ
പേജ് പ്രിന്റ്ചെയ്യൂ