വിപണി തുടക്കം നഷ്ടത്തില്‍

ആഗോള വിപണിയില്‍ നില നില്‍ക്കുന്ന അനിശ്ചിതത്വം ഇന്ത്യന്‍ വിപണിയിലും പ്രതിഫലനമുണ്ടാക്കി. ചൊവ്വാഴ്ച മന്ദഗതിയില്‍ തുടങ്ങിയ മുംബൈ ഓഹരി വിപണിയില്‍ ഫണ്ടുകള്‍ വിറ്റഴിക്കുന്ന പ്രവണതയാണ് നില നിന്നത്. ഇതോടെ തുടക്ക വ്യാപാരത്തില്‍ സെന്‍സെക്സില്‍ 90 പോയന്‍റ് നഷ്ടമുണ്ടായി. യു എസിലും ഏഷ്യന്‍ വിപണിയിലും ഉണ്ടായ തകര്‍ച്ചയുടെ പ്രതിഫലനമായി സെന്‍സെക്സ് വ്യാപാരം തുടങ്ങി അഞ്ച് മിനിറ്റനകം 90.70 പോയന്‍റ് നഷ്ടത്തില്‍ 14,751.68 എന്ന നിലയിലെത്തി. സമാനമായ തകര്‍ച്ചയായിരുന്നു ദേശീയ സൂചികയായ നിഫ്റ്റിയിലും. നിഫ്റ്റി സൂചിക 21.30 പോയന്‍റ് താഴ്ചയില്‍ 4281.30 എന്ന നിലയിലെത്തിയിരുന്നു.