സ്വര്‍ണവില കുതിച്ചുകയറുന്നു

ന്യൂഡല്‍ഹി| WEBDUNIA| Last Modified ചൊവ്വ, 25 മെയ് 2010 (16:46 IST)
ആഭ്യന്തര വിപണിയില്‍ സ്വര്‍ണവില കുതിച്ചുയരുന്നു. ചൊവ്വാഴ്ച പവന്‌ 200 രൂപ വര്‍ധിച്ച് 13,760 രൂപയിലെത്തി. ഇതോടെ ഗ്രാമിന്‌ 1720 രൂപയായി. സ്വര്‍ണവില ഏത്‌ ദിവസവും സര്‍വ്വകാല റെക്കോര്‍ഡിലേക്ക്‌ ഉയരാമെന്നുമാണ് ബോംബെ ബുള്ളിയന്‍ നല്‍കുന്ന സൂചന.

ബുള്ളിയന്‍ മാര്‍ക്കറ്റില്‍ എട്ട് ഗ്രാം സ്വര്‍ണം 18,660 രൂപയ്ക്കാണ് വില്‍ക്കുന്നത്. നിക്ഷേപകര്‍ ആഭരണങ്ങളും രത്നങ്ങള്‍ കൂടുതല്‍ വാങ്ങാന്‍ തുടങ്ങിയതോടെയാണ് വില കുതിച്ചുകയറിയത്. കഴിഞ്ഞ വാരാന്ത്യത്തില്‍ സ്വര്‍ണം വില 13,440 രൂപയായിരുന്നു.

ലണ്ടന്‍ വിപണിയില്‍ യൂറോ മേഖലയിലെ പ്രതിസന്ധിയെ തുടര്‍ന്നു വില തിങ്കളാഴ്ച 0.8% കൂടി. വെള്ളിയാഴ്ച ന്യൂയോര്‍ക്കില്‍ രേഖപ്പെടുത്തിയ, ഔണ്‍സിന്‌ (31.1 ഗ്രാം) 1,175.15 ഡോളറില്‍ നിന്ന്‌ 1,185.15 ഡോളറിലേക്ക്‌ വില ഉയര്‍ന്നു.

ബാങ്ക്‌ ഓഫ്‌ സ്പെയിന്‍, സേവിങ്ങ്സ്‌ ബാങ്കായ കജാസുറിന്റെ നിയന്ത്രണം ഏറ്റെടുത്തത്‌ യൂറോയുടെ വിലയിടിച്ചു. ഡോളറുമായുള്ള വിനിമയത്തില്‍ ഇടിവ്‌ 1.5 ശതമാനമാണ്‌.സ്വര്‍ണത്തിന്റെ ഉയര്‍ന്ന വില ആഭരണങ്ങളുടെ ആവശ്യം കുറച്ചുവെങ്കിലും താല്‍പര്യം വര്‍ധിപ്പിച്ചു. അതേസമയം യൂറോപ്പില്‍ ഡോളര്‍വില ഉയര്‍ന്നതിനാല്‍ സ്വര്‍ണവില അര ശതമാനം താഴ്‌ന്നു.


ഇതിനെക്കുറിച്ച് കൂടുതല്‍ വായിക്കുക :