വാഷിംഗ്ടണ് പോസ്റ്റിന്റെ കീഴില് പ്രവര്ത്തിക്കുന്ന ന്യൂസ് വീക് മാഗസിന് വില്പ്പനയ്ക്ക്. കനത്ത സാമ്പത്തിക നഷ്ടത്തെ തുടര്ന്നാണ് ലോകത്തെ ഏറ്റവും പ്രമുഖ മാഗസിനുകളിലൊന്നായ ന്യൂസ് വീക്ക് വില്ക്കുന്നതെന്ന് അധികൃതര് അറിയിച്ചു.
സമകാലിക വിഷയങ്ങളുമായി പുറത്തിറങ്ങുന്ന ന്യൂസ് വീക്ക് ആഗോള സാമ്പത്തിക മാന്ദ്യത്തെ തുടര്ന്ന് വന് നഷ്ടത്തിലായിരുന്നു. ഓണ്ലൈന് മീഡിയകളുടെ കടന്നുവരവും അച്ചടി പ്രസിദ്ധീകരനമായ ന്യൂസ്വീക്കിന്റെ വില്പ്പനയിലേക്ക് നയിച്ചിരിക്കുകയാണ്. 1961-ലാണ് വാഷിംഗ്ടണ് പോസ്റ്റിന്റെ കീഴില് ന്യൂസ് വീക്ക് തുടങ്ങിയത്.
ന്യൂസ് വീക്ക് അടക്കമുള്ള വാഷിംഗ്ടണ് പോസ്റ്റിന്റെ മാഗസിന് ഡിവിഷന് 2008 വര്ഷത്തില് 29.3 ദശലക്ഷം ഡോളറിന്റെ നഷ്ടമാണ് നേരിട്ടത്. ആഗോള സാമ്പത്തിക പ്രതിസന്ധി ശക്തമായതോടെ പരസ്യവരുമാനവും കുത്തനെ ഇടിഞ്ഞു. ഇതിനു പുറമെ വരിക്കാരുടെ എണ്ണം ഗണ്യമായി കുറഞ്ഞിരിക്കുകയാണ്.