ജി എട്ട് സാമ്പത്തിക ശക്തികളില് മാന്ദ്യം താരതമ്യേന കുറവ് അനുഭവപ്പെട്ട കാനഡയില് തൊഴിലില്ലായ്മ നിരക്ക് 8.6 ശതമാനമായി ഉയര്ന്നു. ജൂണില് 47,500 പേര്ക്കാണ് തൊഴില് നഷ്ടപ്പെട്ടത്.
ഏതാണ്ട് 1.6 മില്യണ് ജനങ്ങളാണ് കാനഡയില് തൊഴില് രഹിതരായിട്ടുള്ളത്. നിര്മ്മാണ മേഖല, പ്രകൃതി വിഭവങ്ങള്, ഓട്ടോ വ്യവസായം എന്നിവയെയാണ് സാമ്പത്തിക മാന്ദ്യം ഏറ്റവും കൂടുതല് ബാധിച്ചത്. തൊഴില് വിപണി കനത്ത വെല്ലുവിളി നേരിടുമ്പോള് നിരവധി പേരാണ് സ്വയം തൊഴില് രംഗത്തേക്ക് തിരിയുന്നത്. കഴിഞ്ഞ ഒക്ടോബറിന് ശേഷം സ്വയം തൊഴിലില് 1.5 ശതമാനത്തിന്റെ ഉയര്ച്ചയാണുണ്ടായത്.
കഴിഞ്ഞ വര്ഷം സാമ്പത്തിക മാന്ദ്യം അനുഭവപ്പെട്ടതുമുതല് രാജ്യത്തിന്റെ സാമ്പത്തിക വളര്ച്ചയില് മൂന്ന് ശതമാനത്തോളം കുറവാണ് സംഭവിച്ചിരിക്കുന്നത്. മാന്ദ്യം മറികടക്കാനായി കാനഡ നാഷണല് ബാങ്ക് പലിശ നിരക്കില് റെക്കോര്ഡ് കുറവ് വരുത്തിയിട്ടുണ്ട്. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ