ഏറെ സമ്മര്ദ്ദങ്ങള്ക്ക് വിധേയമായെങ്കിലും മുംബൈ ഓഹരി വിപണി കഴിഞ്ഞയാഴ്ചയും നേരിയ ഉയര്ച്ചയില് ക്ലോസ് ചെയ്തു. ഒരു ശതമാനത്തിന്റെ (149 പോയന്റ്) ഉയര്ച്ചയാണ് കഴിഞ്ഞയാഴ്ച സൂചികയില് അനുഭവപ്പെട്ടത്.14,913 എന്ന നിലയിലാണ് കഴിഞ്ഞ ദിവസം ബിഎസ്ഇയില് വ്യാപാരം അവസാനിപ്പിച്ചത്. ആദ്യ സെഷനില് നേട്ടത്തോടെ തുടങ്ങിയെങ്കിലും നിരവധി തവണ സൂചികയില് ഏറ്റക്കുറച്ചിലുകള് അനുഭവപ്പെട്ടു. ഒരവസരത്തില് 14956 പോയന്റ് വരെ ഉയര്ന്ന സൂചിക മറ്റൊരവസരത്തില് 14,356 പോയന്റ് വരെ ഇടിയുകയും ചെയ്തു.ടാറ്റ സ്റ്റീലിന് 13 ശതമാനവും ഒഎന്ജിസിക്ക് ഒമ്പത് ശതമാനവും നേട്ടമുണ്ടാക്കാനായി. എച്ച് ഡി എഫ് സി, മഹീന്ദ്ര ആന്റ് മഹീന്ദ്ര, എന് ടി പി സി (5% - 6%) എന്നിവയ്ക്കും കഴിഞ്ഞയാഴ്ചത്തെ വിപണിയില് നേട്ടം കാണാനായി.അതേസമയം ടാറ്റ മോട്ടോഴ്സ് ഓഹരികള്ക്ക് 12 ശതമാനത്തോളം നഷ്ടം നേരിട്ടു. റിലയന്സ് കമ്യൂണിക്കേഷന്സ് (6.5%), എസിസി (4%), ഹിന്ഡാല്കൊ (3%), ജയപ്രകാശ് അസോസിയേറ്റ്സ്, ഹീറോ ഹോണ്ട, ഐടിസി (2 - 3% വീതം) എന്നിവയുടെ ഓഹരി മൂല്യത്തിലും കഴിഞ്ഞ വാരം ഇടിവ് നേരിട്ടു. |
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
