മുകേഷ് അംബാനിയുടെ റിലയന്സ് ഇന്ഡസ്ട്രീസ് ലിമിറ്റഡിനെതിരെ അനില് അംബാനി ഗ്രൂപ്പ് കമ്പനിയായ ആര്എന്ആര്എല് സുപ്രീംകോടതിയെ സമീപിച്ചു. ജൂണ് 15ലെ ബോംബൈ ഹൈക്കോടതി വിധി പാലിക്കാന് ആര്ഐഎല് തയ്യാറാവുന്നില്ലെന്ന് ആരോപിച്ചാണ് ഹര്ജി നല്കിയിരിക്കുന്നത്.
റിലയന്സ് ഇന്ഡസ്ട്രീസിനോടും റിലയന്സ് നാച്ചുറല് റിസോഴ്സസിനോടും ഒരു മാസത്തിനകം വാതക വിതരണ കരാറില് ഏര്പ്പെടണമെന്നാണ് ബോംബൈ ഹൈക്കോടതി ജൂണ് 15ന് നിര്ദേശിച്ചിരുന്നത്. ദിവസം 28 മില്യണ് മെട്രിക് ക്യുബിക് മീറ്റര് വാതകം വിതരണം ചെയ്യാനായിരുന്നു നിര്ദേശം. 2.34 ഡോളറെന്ന നിരക്ക് നിലനിര്ത്തുക വഴി അനില് അംബാനിക്ക് അനുകൂലമായ തീരുമാനമാണ് കോടതിയില് നിന്നുണ്ടായിരിക്കുന്നത്.
എന്നാല് വാതക അളവും വിലയും സംബന്ധിച്ച് സര്ക്കാര് അംഗീകാരം കിട്ടാതെ കരാറില് ഒപ്പുവയ്ക്കില്ലെന്ന് ആര് ഐ എല് അറിയിച്ചിരുന്നു. അതേസമയം ഇത് സംബന്ധിച്ചുള്ള എല്ലാ കാര്യങ്ങളും കോടതി വിധിയില് വ്യക്തമാക്കിയതണെന്നാണ് ഒരു ആര് എന് ആര് എല് വക്താവ് ഇതിനോട് പ്രതികരിച്ചത്. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ