യുഎസ് ഡോളറിനെതിരെ രൂപയുടെ മൂല്യത്തില് ഉയര്ച്ച. 15 പൈസയുടെ ഉയര്ച്ചയാണ് വ്യാഴാഴ്ച ആരംഭ വിപണിയില് രേഖപ്പെടുത്തിയത്. ആഭ്യന്തര വിപണിയിലേക്കുള്ള വിദേശ മൂലധന നിക്ഷേപം ഉയരുമെന്ന പ്രതീക്ഷയാണ് രൂപയുടെ മൂല്യത്തെ സ്വാധീനിച്ചത്.
ഫൊറെക്സ് വിപണിയില് ആഭ്യന്തര കറന്സിയുടെ മൂല്യം ഡോളറിന് 47.74 രൂപയെന്ന നിലയിലാണ് ഇപ്പോള് വ്യാപാരം നടക്കുന്നത്. ബുധനാഴ്ച ഡോളറിന് 47.89/91 എന്ന നിലയിലായിരുന്നു വ്യാപാരം ക്ലോസ് ചെയ്തിരുന്നത്.
ഏഷ്യന് കറന്സികള്ക്കെതിരെ ഡോളറിന്റെ മൂല്യത്തില് ഇടിവ് നേരിട്ടത് രൂപയ്ക്ക് നേട്ടമായി. ഏഷ്യന് വിപണികളില് ഇന്ന് പൊതുവേ ഉണര്വ് പ്രകടമാണ്. കൂടുതല് വിദേശ നിക്ഷേപം രാജ്യത്തേക്ക് പ്രവഹിക്കുമെന്ന പ്രതീക്ഷ നിലനില്ക്കുന്നതിനാല് രൂപയുടെ മൂല്യത്തില് കാര്യമായ ഇടിവ് സമീപ ഭാവിയില് ഉണ്ടായേക്കില്ല. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ