അമേരിക്കയിലെ സ്വകാര്യ കമ്പനികള് ജൂണ് മാസത്തില് 473,000 ജീവനക്കാരെ പിരിച്ചുവിട്ടു. പ്രതീക്ഷിച്ചിരുന്നതിലും ഏറെ ഉയര്ന്ന നിരക്കാണിത്. രാജ്യത്ത് തൊഴില് മേഖല മെച്ചപ്പെട്ടിട്ടില്ലെന്നാണ് പുതിയ കണക്കുകള് സൂചിപ്പിക്കുന്നത്.
മെയ് മാസത്തില് സ്വകാര്യ കമ്പനികള് മൊത്തം 485,000 ജീവനക്കാരെ പിരിച്ചുവിട്ടിരുന്നു. വരും മാസങ്ങളിലും കൂടുതല് പിരിച്ചുവിടലിന് സാധ്യതയുണ്ടെന്നാണ് ഏറ്റവും പുതിയ റിപ്പോര്ട്ടുകള് സൂചിപ്പിക്കുന്നത്. സാമ്പത്തിക മാന്ദ്യം രൂക്ഷമായി തുടരുന്നതിനാല് കൂടുതല് ചെലവ് ചുരുക്കല് നടപടികളുടെ ഭാഗമായാണ് കമ്പനികള് കൂടുതല് പിരിച്ചുവിടലുകള് നടത്തുന്നത്. ഏപ്രില്, മെയ്, ജൂണ് മാസങ്ങളില് ശരാശരി 492,000 ജിവനക്കാരെയാണ് കമ്പനികള് പിരിച്ചുവിട്ടത്.
സര്ക്കാര് മേഖലയിലും വാഹന വ്യവസായ മേഖലയിലുമാണ് ഏറ്റവും കൂടുതല് പേര്ക്ക് തൊഴില് നഷ്ടമായത്. സര്ക്കാര് മേഖലയില് 19,438 പേര്ക്കും വാഹന വ്യവസായ മേഖലയില് 7,882 പേര്ക്കും ജൂണില് തൊഴില് നഷ്ടപ്പെട്ടു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ