ജൂണ് മദ്ധ്യത്തോടെ ഇന്ത്യന് റെയില്വേ രണ്ടക്ക വളര്ച്ച നേടി. ചരക്ക് ഗതാഗതത്തില് നിന്നും യാത്രക്കാരില് നിന്നുമുള്ള വരുമാനത്തില് കാര്യമായ ഉയര്ച്ചയാണ് ഉണ്ടായത്.
ജൂണ് 11നും 20നും ഇടയില് 2,280 കോടി രൂപയുടെ വരുമാനമാണ് റെയില്വേ നേടിയത്. മുന് വര്ഷം ഈ സമയത്ത് ഇത് 2,067 കോടി രൂപയായിരുന്നു. ഇതോടെ വളര്ച്ച നിരക്ക് 10.30 ശതമാനമായി ഉയര്ന്നു. 1,545 കോടി രൂപയാണ് ചരക്കുകളില് നിന്ന് മാത്രം ഈ കാലയളവില് റെയില്വേ നേടിയ വരുമാനം. 9.26 ശതമാനത്തിന്റെ ഉയര്ച്ചയാണ് ചരക്കുവരുമാനത്തില് നേടിയത്. യാത്രക്കാരില് നിന്നുള്ള വരുമാനം 13.25 ശതമാനം ഉയര്ച്ചയോടെ 655 കോടി രൂപയായി.
റെയില്വേ മന്ത്രാലയമാണ് പുതിയ കണക്കുകള് പുറത്തുവിട്ടത്. പ്രസ്തുത കാലയളവില് 215 മില്യണ് യാത്രക്കാരാണ് ബര്ത്തുകള് ബുക്ക് ചെയ്തത്. 7.15 ശതമാനത്തിന്റെ ഉയര്ച്ചയാണ് ഇക്കാര്യത്തിലുണ്ടായത്. സബര്ബാന് മേഖലയില് 112.82 മില്യണ് യാത്രക്കാര് ടിക്കറ്റ് ബുക്ക് ചെയ്തു. നോണ് സബര്ബാന് മേഖലയില് ഇത് 101.36 മില്യണ് ആണ്.
ഏപ്രില്, മെയ് മാസങ്ങളില് ചരക്ക് ഗതാഗതത്തില് റെയില്വേ മൂന്ന് ശതമാനത്തോളം വളര്ച്ച കൈവരിച്ചിരുന്നു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ