സത്യം കേസ് അന്വേഷണവുമായി ബന്ധപ്പെട്ട് സിബിഐ മാര്ക്കറ്റിംഗ് റഗുലേറ്ററിംഗ് ഏജന്സിയായ സെബിയുടെ ഉദ്യോഗസ്ഥരില് നിന്ന് മൊഴിയെടുത്തു. സത്യത്തിന്റെ ഇടപാടുകള് സംബന്ധിച്ച് സെബിയുടെ കൈവശമുള്ള പ്രമാണങ്ങള് സിബിഐ സംഘം കഴിഞ്ഞ ദിവസം പരിശോധിച്ചു.
പ്രമുഖ സാമ്പത്തിക മാനേജ്മെന്റ് ഉദ്യോഗസ്ഥരില് നിന്നും ഉപദേഷ്ടൃ സംരംഭമായ ഡി എസ് പി മെറില് ലിഞ്ചിലെ ഉദ്യോഗസ്ഥരില് നിന്നും അന്വേഷണ സംഘം മൊഴിയെടുത്തിട്ടുണ്ട്. ബി രാമലിംഗ രാജു ബോര്ഡ് ചെയര്മാനായിരിക്കുമ്പോഴാണ് ഉപദേശക സ്ഥാപനമായി ഡി എസ് പി മെറില് ലിഞ്ചിനെ നിയമിച്ചത്. എന്നാല് സത്യം അഴിമതിക്കഥ പുറത്തുവന്ന ഉടനെത്തന്നെ ഡി എസ് പി മെറില് ലിഞ്ച് സത്യവുമായുള്ള എല്ലാ ഇടപാടുകളും അവസാനിപ്പിച്ചിരുന്നു.
മുംബൈ ഓഹരി വിപണിയിലും ദേശീയ ഓഹരി വിപണിയിലുമുള്ള സത്യത്തിന്റെ ഇടപാടുകള് പരിശോധിക്കാനാണ് സിബിഐ ശ്രമിക്കുന്നത്. അന്വേഷണത്തില് രാമലിംഗ രാജു, സഹോദരന് രാമരാജു, കമ്പനി മുന് സിഎഫ്ഒ വദ്ലാമണി ശ്രീനിവാസ് തുടങ്ങിയവര്ക്കെതിരെ സിബിഐ നേരത്തെ കുറ്റപത്രം സമര്പ്പിച്ചിരുന്നു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ