രാജ്യത്ത് സാമ്പത്തിക മാന്ദ്യം ശക്തമായിത്തന്നെ തുടരുമെന്ന് റിപ്പോര്ട്ട്. സാമ്പത്തിക സഹകരണ വികസന സംഘടന (ഒഇസിഡി) പുറത്തിറക്കിയ പ്രസ്താവനയിലാണ് ഈ അഭിപ്രായം പ്രകടിപ്പിക്കുന്നത്.
സാമ്പത്തിക വളര്ച്ച അളക്കുന്ന സംഘടനയുടെ കംപോസിറ്റ് ലീഡിംഗ് ഇന്ഡികേറ്റര് (സിഎല്ഐ) സൂചിക ഫെബ്രുവരിയില് തൊട്ട് മുന് മാസത്തെ അപേക്ഷിച്ച് 0.8 പോയന്റിന്റെ ഇടിവാണ് രേഖപ്പെടുത്തിയത്. മുന് വര്ഷം ഈ മാസത്തെ അപേക്ഷിച്ച് 10.1 പോയന്റിന്റെ ഇടിവാണ് 2009 ഫെബ്രുവരിയില് നേരിട്ടത്. ഇതിന്റെ അടിസ്ഥാനത്തിലാണ് രാജ്യത്ത് മാന്ദ്യം തുടരാനുള്ള സാധ്യതയെക്കുറിച്ച് സംഘടന മുന്നറിയിപ്പ് നല്കുന്നത്.
യുഎസ്, യുകെ, ജപ്പാന്, കാനഡ, ഫ്രാന്സ്, ജര്മ്മനി, ഇറ്റലി എന്നീ വന് സാമ്പത്തിക രാജ്യങ്ങളിലും മാന്ദ്യം തുടരുമെന്ന് ഒഇസിഡി അഭിപ്രായപ്പെടുന്നുണ്ട്. സംഘടനയുടെ സിഎല്ഐ സൂചിക കുറഞ്ഞ് 100ല് താഴെയെത്തുമ്പോഴാണ് ഒരു രാജ്യത്ത് മാന്ദ്യം എന്ന അവസ്ഥ സംജാതമാകുന്നത്. ഇന്ത്യയില് സൂചിക ഫെബ്രുവരിയില് 91.9 പോയന്റും ജനുവരിയില് 92.7 പോയന്റുമാണ്. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ