സംസ്ഥാന സര്ക്കാരിന്റെ ഭാഗ്യക്കുറി വകുപ്പ് ഒന്നിച്ച് പുറത്തിറക്കുന്ന ആറ് പുതിയ ഭാഗ്യക്കുറികളുടെ ഉദ്ഘാടനം വെള്ളിയാഴ്ച സംസ്ഥാന ധനമന്ത്രി ഡോ.തോമസ് ഐസക്ക് നിര്വഹിക്കും. സെക്രട്ടറിയേറ്റിലെ പി.ആര്.ചേംബറില് വെള്ളിയാഴ്ച വൈകിട്ട് മൂന്നു മണിക്കാണ് ചടങ്ങ് നടക്കുന്നത്.
ഈ ആറു ഭാഗ്യക്കുറികളിലെ അക്ഷയ എന്ന പ്രതിവാര ഭാഗ്യക്കുറിയുടെ നറുക്കെടുപ്പ് എല്ലാ തിങ്കളാഴ്ചയുമായിരിക്കും നടക്കുക. എല്ലാ ചൊവ്വാഴ്ചയും നറുക്കെടുക്കുന്ന ഐശ്വര്യയും പ്രതിവാര ലോട്ടറിയാണ്.
ബുധനാഴ്ച തോറും നറുക്കെടുക്കുന്ന അമൃതയും വ്യാഴാഴ്ച തോറും നറുക്കെടുക്കുന്ന അമൂല്യയും വെള്ളിയാഴ്ച തോറും നറുക്കെടുക്കുന്ന അന്നപൂര്ണ്ണയും പ്രതിവാര ലോട്ടറികളുടെ ഗണത്തില് പെടുന്നു. ഇവയ്ക്കെല്ലാം ഒന്നാം സമ്മാനമായി നല്കുന്നത് രണ്ട് ലക്ഷം രൂപാ വീതമാണ്.
എന്നാല് എല്ലാ നാലാം ശനിയാഴ്ചയും നറുക്കെടുപ്പ് നടത്തുന്ന സമൃദ്ധി എന്ന പ്രതിമാസ ഭാഗ്യക്കുറിയുടെ ഒന്നാം സമ്മാനം 30 ലക്ഷം രൂപയാണ്.
സംസ്ഥാന ഭാഗ്യക്കുറിയുടെ ചരിത്രത്തില് ആദ്യമായാണ് ആറ് ഭാഗ്യക്കുറികള് ഒന്നിച്ച് പുറത്തിറക്കുന്നത്. ഈ ഭാഗ്യക്കുറികളെല്ലാം തന്നെ അഞ്ച് പരമ്പരകളിലുള്ളവയാണ്.
പ്രതിവാര ലോട്ടറികളായ ആദിത്യ, ഹരിത, പെരിയാര്, ഭാഗ്യതാര, ചൈതന്യ, കൈരളി, സൌഭാഗ്യ, പ്രതിമാസ ലോട്ടറിയായ മാവേലി, ശബരി ബംബര് എന്നിവയാണ് ലോട്ടറി വകുപ്പ് നടത്തുന്ന മറ്റ് ഭാഗ്യക്കുറികള്.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
