സ്വീഡിഷ് ബസ് നിര്മ്മാണ കമ്പനിയായ വോള്വോ ബാംഗ്ലൂരിനടുത്തുള്ള ഹോസ്കോട്ടെയില് പുതുതായി ബസ് ബോഡി നിര്മ്മാണ ശാല ആരംഭിക്കുന്നു. ഇതിനായി 80 കോടി രൂപ മുതല്മുടക്കും.
വോള്വോ ബസ് കോര്പ്പറേഷന് ഡയറക്ടര് ആകാശ് പാസി ഡല്ഹിയില് നടക്കുന്ന ഒമ്പതാമത് ഓട്ടോ എക്സ്പോയില് വച്ച് പത്രലേഖകരെ അറിയിച്ചതാണിക്കാര്യം.
ഇത് സംബന്ധിച്ച് ബാംഗ്ലൂര് ആസ്ഥാനമായുള്ള ബസ് ബോഡി നിര്മ്മാണ കമ്പനിയായ ജൈക്കോയുമായി വോള്വോ സംയുക്ത സംരംഭത്തില് ഏര്പ്പെടും. വോള്വോ ബസ് ബോഡി ടെക്നോളജീസ് ഇന്ത്യ പ്രൈവറ്റ് ലിമിറ്റഡ് എന്നാണ് പുതിയ കമ്പനിയുടെ പേര്.
രാജ്യത്തും വിദേശത്തുമുള്ള ബസ് ബോഡി നിര്മ്മാണാവശ്യം നിറവേറ്റുന്നതിനായി പുതിയ ബസ് ബോഡി നിര്മ്മാണശാലയില് പ്രതിവര്ഷം 1,000 ബസ് ബോഡികള് നിര്മ്മിക്കാനാവും എന്നും ആകാശ് പറഞ്ഞു.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ