അഭീഷ്ട വരദായിനിയായ ആറ്റുകാല് ഭഗവതിയ്ക്ക് ഭക്ത സഹസ്രങ്ങള് പൊങ്കാലയര്പ്പിക്കുന്ന ദിനമാണ് കുംഭത്തിലെ പൂരം നാള്. ഈ ദിനത്തില് സര്വ്വമംഗളമംഗല്യയായ ആറ്റുകാല്ഭഗവതിയുടെ അനുഗ്രഹം തേടി ലക്ഷക്കണക്കിന് ഭക്തജനങ്ങള് പൊങ്കാലയര്പ്പിക്കും.
കുംഭച്ചൂടില് പൊരിവെയിലില് വ്രതശുദ്ധിയോടെ തിരുനടയിലെത്തി സ്ത്രീകള് നിവേദിക്കുന്ന കണ്ണീരും പ്രാര്ത്ഥനയും വീണ ചോറുണ്ണാന് ആറ്റുകാലമ്മയും ഒരുങ്ങിയിരിക്കുന്ന ദിനം.
രാവിലെ 10.50 ന് ക്ഷേത്രം മേല്ശാന്തി പണ്ടാര അടുപ്പില് തീകത്തിക്കുന്നതോടെ പൊങ്കാല ആരംഭിക്കും. ക്ഷേത്ര തന്ത്രിയും ചടങ്ങുകള്ക്ക് നേതൃത്വം നല്കും. വൈകുന്നേരം നാലിനാണ് പൊങ്കാല നൈവേദ്യം.
കൂടുതല് പേര്ക്ക് ക്ഷേത്ര പരിസരത്തുതന്നെ പൊങ്കാലയര്പ്പിക്കാനായി ക്ഷേത്രത്തിനുനേരെ എതിര്വശത്തായി അഞ്ചേക്കര് സ്ഥലം നി കത്തിയെടുത്തിട്ടുണ്ട്. ഇവിടെ ഏകദേശം 60,000 പേര്ക്ക് പൊങ്കാല ഇടാനാകും. ഇതുകൂടാതെ ക്ഷേത്രത്തിന് സമീപത്തായി ഒന്നര ഏ ക്കര് സ്ഥലവും സജ്ജീകരിച്ചിട്ടുണ്ട്.
കുംഭമാസത്തലെ പൂരം നക്ഷത്രത്തിലാണ് ആറ്റുകാല് പൊങ്കാല |
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ