ഒടുവില് 100 ല് കളഞ്ഞത് അമേരിക്കന് 400 ല് തിരിച്ചു പിടിച്ചു. ഒളിമ്പിക്സ് 4x400 മീറ്റര് റിലേയില് രണ്ട് വിഭാഗത്തിലും സ്വര്ണ്ണം നേടിയാണ് 4x100 മീറ്റര് നഷ്ടപ്പെടുത്തിയതിന്റെ ക്ഷീണം അമേരിക്ക തീര്ത്തത്.
തകര്പ്പന് പ്രകടനത്തിലേക്ക് ഉയര്ന്ന അമേരിക്കന് ടീം 3 മിനിറ്റും 18.54 സെക്കന്ഡുകളും എടുത്താണ് സ്വര്ണ്ണ നേട്ടത്തിലേക്ക് ഉയര്ന്നത്. റഷ്യ വെള്ളി മെഡല് നേടിയപ്പോള് ജമൈക്ക വെങ്കലം കരസ്ഥമാക്കി.
സാന്യാ റിച്ചാര്ഡ്സ് നയിച്ച അമേരിക്കന് ടീമിനു പിന്നില് 3 മിനിറ്റും 18.82 സെക്കന്ഡുകളും എടുത്താണ് റഷ്യ രണ്ടാം സ്ഥാനത്തെത്തിയത്. 3 മിനിറ്റും 20.40 സെക്കന്ഡുകള് എടുത്ത ജമൈക്ക വെങ്കലവും കരസ്ഥമാക്കി.
അമേരിക്കന് പുരുഷ ടീം 2:55.39 സെക്കന്ഡില് ഒന്നാം സ്ഥാനത്തെത്തി. 400 മീറ്റര് വെള്ളി നേട്ടക്കാരന് ലാഷോണ് മെരിറ്റ്, ജെറെമി വാറിനെര്, ആഞെലോ ടെയ്ലര്, ഡേവിഡ് നെവില് എന്നിവരായിരുന്നു ടീം.
ബഹാമസിനായിരുന്നു വെള്ളി. 2:58.03 എന്ന സമയത്തിലാണ് ബഹാമസ് രണ്ടാം സ്ഥാനത്തെത്തിയത്. റഷ്യ 2:58.06 സെക്കന്ഡില് വെങ്കല മെഡലിന് അര്ഹരായി.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
