വീണ: സരസ്വതിയുടെ വീണയ്ക്ക് സവിശേഷതകള് ഏറെയാണ്. വീണ മനുഷ്യ ശരീരത്തിന്റെ തന്നെ പ്രതീകമാണ്, അതിന് ശിരസ്സും ഉരസ്സും ശബ്ദവും എല്ലാമുണ്ട്. മറ്റൊരു തരത്തില് പറഞ്ഞാല് മനസ്സ്, ബുദ്ധി എന്നിവയെയാണ് വീണ പ്രതിനിധീകരിക്കുന്നത്.
വീണയുടെ കമ്പികള് ഭാവന, അനുഭൂതി, ഭാവങ്ങള് എന്നിവയുടെ പ്രതീകമാണ്. ഇവിടെ ജ്ഞാനം, കലാനിപുണതയോടെ നല്കി മനുഷ്യ മനസ്സുകളെ കീഴ്പ്പെടുത്തുകയാണ് ചെയ്യുന്നത്.
കച്ഛപി എന്നൊരു പേര് വീണയ്ക്കുണ്ട്. കച്ഛപിക്ക് അര്ത്ഥം ആമ എന്നാണ്. ഇന്ദ്രിയങ്ങളെ ഉള്വലിക്കുന്ന ശക്തിയെയാണ് ആമ പ്രതിനിധാനം ചെയ്യുന്നത്. ആത്മജ്ഞാനത്തിന് അന്തര്മുഖത്വം ആവശ്യമാണ്. ഇന്ദ്രിയങ്ങളെ ഒതുക്കി ഈശ്വര സാക്ഷാത്കാരവും അറിവും നല്കുന്നതാണ് വീണ എന്ന് സങ്കല്പ്പം.
ഗ്രന്ഥങ്ങള്: സരസ്വതിയുടെ രണ്ട് കൈയിലും പുസ്തകങ്ങള് കാണാം. വീണാ പുസ്തക ധാരിണീ എന്ന് ഈ ദേവിയെ സ്തുതിക്കാറുണ്ട്. അറിവിന്റെ പ്രതീകമാണ് പുസ്തകങ്ങള്.
| 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ