പരിപൂര്ണ്ണമായ ത്യാഗത്തിന്റെയും സമര്പ്പണത്തിന്റെയും സഹനത്തിന്റെയും ആഘോഷമാണ് ബക്രീദ് . ഇസ്ളാം കലണ്ടറില് അവസാന മാസമായ ദുല്ഹജ്ജില് ആണ് ബക്രീദ് ആഘോഷിക്കുന്നത്. "ഇവ്ദ്' എന്ന വാക്കില് നിന്നാണ് "ഈദ്' ഉണ്ടായത് . ഈ വാക്കിനര്ത്ഥം "ആഘോഷം , ആനന്ദം' എന്നൊക്കെയാണ്. ഈദിന്റെ മറ്റൊരു പേരാണ് ഈദ്-ഉല്-സുഹ , "സുഹ' എന്നാല് ബലി. തനിക്കേറ്റവും പ്രിയങ്കരമായത് ഈശ്വര സന്നിധിയില് ബലിയായി നല്കി, സ്വയം തിരുബലിയാകുക എന്നതാണ് ബക്രീദിന്റെ ആത്യന്തിക സന്ദേശം. സമൂഹത്തില് ശാന്തിയും സമാധാനവും നിലനിര്ത്തണമെന്നും മൈത്രിയുടെയും സഹോദര്യത്തിന്റെയും ദിനങ്ങള് പുലരണമെന്നുമാണ് ഇസ്ളാം മതം നല്കുന്ന വിശുദ്ധ സന്ദേശം. തന്നെ അധിക്ഷേപിക്കാനും അപമാനിക്കാനും ശ്രമിച്ചവരെ തന്റെ ജീവിതചര്യകള്ക്കൊണ്ട് ആകൃഷ്ടരാക്കി ഇസ്ളാം മതത്തിലേയ്ക്ക് ആകര്ഷിക്കുകയാണ് നബിതിരുമേനി ചെയ്തത്.ഹൃദയത്തില് അനുകമ്പയും ആര്ദ്രതയും ഉണര്ത്തി ഒരു ബലിപ്പെരുനാള് കൂടി..... അല്ലാഹുവിന്റെ കല്പനയ്ക്കും പ്രീതിക്കും വേണ്ടി ഏറ്റവും വിലപ്പെട്ടതിനേപ്പോലും തൃജിക്കുവാന് മനുഷ്യന് തയ്യാറാകുന്നതിന്റെ മഹത്തായ സൂചനയാകുന്നു ബക്രീദ് . ഇനിയുള്ള പുണ്യദിനം പരിശുദ്ധ ഹജ്ജിന്റേതാണ്. വിശ്വാസത്തിന്റെ കുന്നിന് മുകളില് ഭക്തിയുടെ സാഗരസീമയില് സന്ദേശവുമായി ഉദിച്ചുയരുമ്പോള് മക്കയിലേക്കുള്ള ഉദ്യാനപാതകള് ആത്മാവിലേക്ക് കൂടുതല് അടുത്തു വരുന്നു.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
