1920 മുതല് 1998 വരെയുള്ള പ്രമുഖ ഇന്ത്യന് നര്ത്തകരുമായി വ്യക്തിപരമായ അടുപ്പവും ബന്ധവും ഉണ്ടായിരുന്ന മോഹന് ഖോകറിന്റെ ഈ അഭിപ്രായത്തിന് വളരെയേറെ പ്രസക്തിയുണ്ട്. ആധികാരികവും അനിഷേധ്യവുമാണ് ഈ അഭിപ്രായ പ്രകടനം.
ഗുരു ഗോപിനാഥുമായി ഉണ്ടായിരുന്ന 50 കൊല്ലത്തെ പരിചയം വച്ച്, ഇന്ത്യയിലെ മറ്റു പ്രമുഖരായ നര്ത്തകരുമായി താരതമ്യം ചെയ്തുമാണ് മോഹന്ഖോക്കര് സുചിന്തിതമായ ഈ അഭിപ്രായം പറയുന്നത്.
ഓട്ടേറെ വീഡിയോ ക്ളിപ്പുകളുടെയും ഫോട്ടോകളുടെയും പിന്ബലവും ഈ അഭിപ്രായ പ്രകടനത്തിനുണ്ട്.
മറ്റാരും ശ്രദ്ധിച്ചിട്ടില്ലാത്ത അനന്യമായ ഒരു സിദ്ധികൂടി ഗുരു ഗോപിനാഥിനുണ്ടായിരുന്നു. മുഖത്തിന്റെ ഒരു പാതിയില് ഒരു രസവും മറുപാതിയില് മറ്റൊരു രസവും കാണിക്കാനുള്ള കഴിവ്. ഇതിന്റെ തെളിവും മോഹന് ഖോകറിന്റെ ഫോട്ടോ ശേഖരത്തിലുണ്ട്.
മിതവും സാരവുമാണ് ഗുരുഗോപിനാഥിന്റെ നവരസാഭിനയം. കഥകളിക്കാരന്റേതുപോലെ അമിത പ്രകടനമോ ലാസ്യ നൃത്തത്തിലെപ്പോലെ ലളിതവത്കരണമോ അല്ലാതെ രസങ്ങള് വേണ്ട തോതതില് ഉചിതമായി അവതരിപ്പിച്ച മറ്റൊരാചാര്യന് ഉണ്ടായിട്ടില്ല.
|
അഭിപ്രായങ്ങളും പ്രതികരണങ്ങളും