മുന്വരിപ്പല്ലു പൊയ്പോയ
മോണ കാട്ടിച്ചിരിച്ചൊരാള്
ചമ്പ്രം പടിഞ്ഞിരിക്കുന്ന
പടം നീ കണ്ടതില്ലയോ ?
അതാണു ഗാന്ധിയപ്പൂപ്പന്
ആരിലും കനിവുള്ളവന്
കൊച്ചു കുഞ്ഞുങ്ങളോടൊത്തു
കള്ളിപ്പാന് കൊതിയുള്ളവന്.
വിളിപ്പൂ നാട്ടുകാരെല്ലാം
"ബാപ്പു' വെന്നു പലപ്പൊഴും
ആ വാക്കു കേട്ടിരിക്കും നീ-
യച്ഛനെന്നര്ത്ഥമായിടും.
മറ്റുള്ളോരുടെ ദുഃഖങ്ങള്
മാറ്റുവാന് വേല ചെയ്കയാല്
"മഹാത്മാ' ഗാന്ധിയെന്നുള്ള
പേരു നീളെ പ്രസിദ്ധമായ്.
സത്യത്തെദ്ദൈവമായ്ക്കണ്ടു
പൂജിച്ച പുരുഷോത്തമന്,
പങ്കം തീണ്ടാത്ത കര്മ്മത്താല്
തങ്കം പോലെ തിളങ്ങിയോന്,
കുഞ്ഞുറുന്പിനുമാപത്തു
പറ്റിയാല്ക്കരയുന്നവന്,
കുരുന്നു നുളളുവാന്പോലും
കൈയറയ്ക്കും ദയാമയന്,
സ്നേഹം, ധര്മ്മം, സദാചാരം;-
ഓരോന്നെന്തിനു ചൊല്വു ഞാന്?
ഗുണമൊക്കെയുമൊന്നിച്ച
ഗുരുവാണു മഹാത്മജി.
|
| തിരച്ചിലുമായി ബന്ധപ്പെട്ട വിവരങ്ങള് | |
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
