പൂങ്കാവനം - ശബരിമല ക്ഷേത്രവും ഇതിനോടു ചേര്ന്നു കിടക്കുന്ന സ്ഥലവും ഉള്പ്പെടുന്ന പ്രദേശത്തിന്റെ പേര്. പതിനെട്ടു മലകള് ഇവിടെയുണ്ടെന്നു സങ്കല്പം.
പെരുനാട് - ശബരിമല ക്ഷേത്രം കഴിഞ്ഞാല് തിരുവാഭരണം അണിയിക്കുന്ന ക്ഷേത്രം ഇവിടെയാണ്. പെരുനാട് കക്കാട്ട് കോയിക്കല് ധര്മ്മശാസ്താക്ഷേത്രം. മകരവിളക്കിനു ശേഷം ഏഴാംനാള് പന്തളത്തേക്കുള്ള മടക്കയാത്രയില് എട്ടാം ദിവസമാണ് തിരുവാഭരണങ്ങള് പെരുനാട് ധര്മ്മശാസ്താ വിഗ്രഹത്തില് ചാര്ത്തുന്നത്.
പൊന്നന്പലമേട് - മകരസംക്രമദിവസം മകരജ്യോതി തെളിയുന്ന സന്നിധാത്തിനു കിഴക്കുള്ള മല.
പൊന്നന്പലവാസന് - അയ്യപ്പന്റെ വേറൊരു നാമധേയം.
ഭസ്മക്കുളം - സന്നിധാനത്തിനടുത്തുള്ള തീര്ഥക്കുളം.
മകരസംക്രമം - ഉത്തരായനത്തിന്റെ ആരംഭം കുറിക്കുന്ന ധന്യമുഹൂര്ത്തം. സൂര്യന് ധനുരാശിയില് നിന്നു മകരം രാശിയിലേക്കു കടക്കുന്ന ദിനം.
മകരവിളക്ക് - മകരസംക്രമദിവസം സന്ധ്യയ്ക്ക് പൊന്നന്പലമേട്ടില് തെളിയുന്ന ജ്യോതി.
മണ്ഡലവ്രതം - ശബരിമല തീര്ഥാടനത്തിനായി വൃശ്ഛികം ഒന്നുമുതല് ധനു പതിനൊന്നു വരെ അനുഷ്ഠിക്കുന്ന ബ്രഹ്മചര്യവ്രതം.
മണിമണ്ഡപം - അയ്യപ്പന് അന്പു കുലച്ചപ്പോള് ആദ്യം വീണ സ്ഥാനം. മകരവിളക്കിന്റെ അന്നു രാത്രി മുതല് മണ്ഡപത്തി കുറുപ്പിന്റെ കളമെഴുത്തുണ്ട്.
മണികണ്ഠന് - അയ്യപ്പന്റെ മറ്റൊരു പര്യായം
മരക്കൂട്ടം - ശബരിമല തീര്ഥാടനപാതയില് വണ്വേ തുടങ്ങുന്ന പാത. തുടര്ന്നു സന്നിധാനത്തിലേക്കുള്ള യാത്ര ശരംകുത്തിവഴി.
|
അഭിപ്രായം,നിര്ദ്ദേശം
സുഹൃത്തിന് അയക്കൂ
പേജ് പ്രിന്റ്ചെയ്യൂ