ശബരിമല, തീര്ഥാട്ടനം മകരവിളക്ക് മണ്ഡല പൂജ എരുമേലി പേട്ടതുള്ലല് മാലയിടല് തുടങ്ങിയ ഒട്ടേറെ കാര്യങ്ങളുമായി ബന്ധപ്പെട്റ്റ വാക്കുകളുടെ അഥവും ആശയവും .
അയ്യപ്പന്- ശബരിമല ധര്മ്മ ശാസ്താ ക്ഷേത്രത്തിലെ പ്രധാന മൂര്ത്തിയായ ശാസ്താവിന്റെ മറ്റൊരു നാമം.
അയ്യപ്പന് പാട്ട് / അയ്യപ്പന് വിളക്ക് - കന്നി അയ്യപ്പന്മാര് ശബരിമലയ്ക്കു പുറപ്പെടുംമുന്പു നടത്തുന്ന പ്രധാന ആരാധനാചടങ്ങുകളില് ഒന്ന്.
അയ്യപ്പമൂലമന്ത്രം - മേല്ശാന്തി സ്ഥാനമേല്ക്കുന്ന സമയത്തു തന്ത്രി ഓതിക്കൊടുക്കുന്ന മന്ത്രം.
അപ്പാച്ചിമേട്- ശബരിമല പാതയില് നീലിമല കഴിഞ്ഞുള്ള സ്ഥലം. ദുര്ദേവതാപ്രീതിക്കായി ഇവിടുത്തെ കുഴികളില് അയ്യപ്പന്മാര് അരി - ശര്ക്കരയുണ്ട എറിയാറുണ്ട്.
അഴുതയാറ്- പുണ്യനദിയായ പന്പയുടെ ഉപനദി. തീര്ഥാടനമധ്യേ അഴുത കടക്കുന്ന അയ്യപ്പന്മാര് കല്ലിടാംകുന്നില് നിക്ഷേപിക്കാന് ഇവിടെനിന്നും കല്ലെടുക്കുന്നു.
അരവണ- ശബരിമല ക്ഷേത്രത്തിലെ പ്രധാന വഴിപാടു പ്രസാദം.
അന്പലപ്പുഴ യോഗം- എരുമേലി പേട്ടതുള്ളലിനു മുഖ്യമായും പങ്കെടുക്കുന്ന സംഘം.
ആഴിപൂജ- ശബരിമല തീര്ഥാടനവുമായി ബന്ധപ്പെട്ട പ്രധാന ചടങ്ങുകളില് ഒന്ന്. പ്രധാനമായും രാത്രിയിലാണ് ഇതു നടത്തുക.
ആലങ്കാട്ട് യോഗം - എരുമേലിയില് പേട്ടതുള്ളി മല ചവിട്ടുന്ന ഒരു സംഘത്തിന്റെ പേര്.
ഇരുമുടിക്കെട്ട് - ശബരിമലയാത്രയ്ക്കു പുറപ്പെടുന്ന സ്വാമിമാര് വഴിപാടുസാധനങ്ങളും മറ്റും നിറയ്ക്കുന്ന തുണികൊണ്ടുള്ള ഭണ്ഡാരക്കെട്ട്.
ഇടത്താവളം - ശബരിമല തീര്ഥാടനപാതയിലെ വിശ്രമസങ്കേതം.
ഉരക്കുഴി - ശബരിമല സന്നിധാനത്തില്നിന്നും ഒരു കിലോമീറ്റര് അകലെകുന്പളം തോട്ടിലെ വെള്ളച്ചാട്ടം.
ഉദയാസ്തമന പൂജ - ഭക്തരുടെ ഇഷ്ടവഴിപാടുകളില് ഒന്ന്.
എരുമേലി പേട്ടതുള്ളല് - കൊച്ചന്പലത്തില് പ്രദക്ഷിണത്തോടെ ആരംഭം. പച്ചത്തൂപ്പ്, കരി, കുങ്കുമം എന്നിവ ശരീരത്തണിഞ്ഞ് കൈയില് ഗദ, വാള്, ശരം, അന്പ് എന്നിവ ഏന്തിയുള്ള തുള്ളല്.
കന്നി അയ്യപ്പന് - ശബരിമലയ്ക്ക് ആദ്യമായി പുറപ്പെടുന്ന ഭക്തനെ വിളിക്കുന്ന പേര്.
കറുപ്പുകച്ച - തീര്ഥാടനത്തിനു പുറപ്പെടുന്പോള് അയ്യപ്പന്മാര് അരയില് കെട്ടുന്ന കറുത്ത തുണി.
കറുപ്പസ്വാമി - അയ്യപ്പന്റെ പരിവാരമൂര്ത്തികളില് ഒന്ന്. പതിനെട്ടാം പടിയോടു ചേര്ന്ന പ്രതിഷ്ഠ.
കളാഭാഭിഷേകം - ശബരിമലയിലെ വിശേഷാല് പൂജകളില് ഒന്ന്. പന്തളത്തുനിന്നുള്ള വലിയ തന്പുരാന്റെ നേതൃത്വത്തില് മകരം അഞ്ചിനാണ് ഇതു നടത്തുക.
കരിമല- ഇഞ്ചിപ്പാറക്കോട്ടയ്ക്ക് ശേഷമുള്ള മല.
കെട്ടുമുറുക്ക് - ശബരിമല തീര്ഥാടനത്തിനു പുറപ്പെടുന്നതിനുള്ള പ്രധാന ചടങ്ങ്.
കൊച്ചുകടത്ത - അയ്യപ്പന്റെ അനുയായിയായ യോദ്ധാവ്.
ഗുരുസ്വാമി - ശബരിമലയ യാത്രയ്ക്ക് അയ്യപ്പന്മാര്ക്ക് കെട്ടുമുറുക്കി കൊടുക്കുന്ന ചടങ്ങിനു നേതൃത്വം വഹിക്കുന്ന ആള്.
തങ്കയങ്കി- മണ്ഡലപൂജയ്ക്ക് അയ്യപ്പവിഗ്രഹത്തില് ചാര്ത്തുന്ന ആഭരണം. തിരുവിതാംകൂര് മഹാരാജാവ് ചിത്തിരതിരുനാള് 1973-ല് നടയ്ക്കു വച്ചതാണിത്.
താഴമണ് - ശബരിമല ക്ഷേത്രത്തിലെ ആചാരാനുഷ്ഠാനങ്ങളുടെയും പൂജകളുടെയും മുഖ്യ കാര്മികത്വം വഹിക്കുന്ന കുടുംബം.
തിരുവാഭരണം - മകരസംക്രമവേളയില് അയ്യപ്പവിഗ്രഹത്തില് ചാര്ത്താന് പന്തളം കൊട്ടാരത്തില്നിന്നു കൊണ്ടുപോകുന്ന സ്വര്ണാഭരണം.
തിരുവാഭരണ ഘോഷയാത്ര- പന്തളം കൊട്ടാരത്തില്നിന്നു മകരസംക്രമത്തിനു ശബരിമല അയ്യപ്പവിഗ്രഹത്തില് ചാര്ത്തുന്ന തിരുവാഭരണം വഹിച്ചുള്ള യാത്ര. ധനു 28ന് ഉച്ചയ്ക്ക് ഒരുമണിക്കാണ് വലിയകോയിക്കല് ക്ഷേത്രത്തില്നിന്നു ഘോഷയാത്ര ആരംഭിക്കുന്നത്.
നായാട്ടുവിളി - ശബരിമലയില് ഉത്സവകാലത്തു പതിനെട്ടാംപടിക്കു താഴെ നടത്തുന്ന ചടങ്ങ്. ധര്മ്മശാസ്താവിന്റെ വന്ദനം മുതല് പ്രതിഷ്ഠവരെയുള്ള കഥകള് 576 ശീലുകളായി നായാട്ടുവിളിക്ക് ഉപയോഗിക്കും. തിരുവാഭാരണം ചാര്ത്തു ദിവസവും നായാട്ടുവിളി ഉണ്ടാകും.
നീലിമല - ശബരിമല തീര്ഥാടപാതയില് പന്പ കഴിഞ്ഞാല് കാണുന്ന മലനിര.
നെയ്ത്തേങ്ങ - ഇരുമുടിക്കെട്ടിലെ വഴിപാടു സാധനങ്ങള് പ്രധാന ഇനം. തേങ്ങയുടെ പ്രധാന കണ്ണ് കിഴിച്ച് വെള്ളം കളഞ്ഞശേഷം നെയ് നിറച്ചാണ് വഴിപാടായി കൊണ്ടുപോകുന്നത്.
|
അഭിപ്രായം,നിര്ദ്ദേശം
സുഹൃത്തിന് അയക്കൂ
പേജ് പ്രിന്റ്ചെയ്യൂ