' ആദിത്യ ചന്ദ്രന്റെ കണ്ണഴകോടെ
ശ്രീമഹാദേവന്റെ മെയ്യഴകോടെ
ശംഖും കഴുത്തിലോ പൊന്നരയോടെ
ശ്രീ ധനുമാസത്തിലുത്തിരം നാളില്
പഞ്ചമിപ്പക്കം പിറന്നാളുണ്ണി '
ഇതു ഭൂതഗണനാഥന് അയ്യപ്പനെക്കുറിച്ചുള്ള കവിവചനം. ധര്മശാസ്താവിന്റെ ഉത്പത്തിക്ക് പുരാവൃത്തങ്ങളെറെ. എന്നാല് അയ്യപ്പനെ സമൂഹത്തിന്റെ ദൈവമാക്കി മാറ്റിയത് കേരളമാണ്.
അയ്യപ്പപുരാണങ്ങളില് അഗ്രസ്ഥാനത്താണ് "ഭൂതനാഥോപാഖ്യാനം'. ശ്രീഭൂതനാഥനെന്നും അറിയപ്പെടുന്ന ധര്മശാസ്താവിനെപ്പറ്റിയുള്ള കഥകള് ഈ സംസ്കൃത ഗ്രന്ഥത്തില് 15 അധ്യായങ്ങളിലായി വിവരിക്കുന്നു.
കാടും മേടും നിറഞ്ഞ പ്രദേശത്ത് അയ്യപ്പന് ക്ഷേത്രം പണിഞ്ഞത്, പുലികളെയും ചെടികളെയും അയ്യപ്പന്റെ തോഴരാക്കിയത്, മുസ്ലീം പ്രമാണിയായിരുന്ന വാവരെ ഇഷ്ട സഖാവാക്കിയത്. ക്രാന്തദര്ശികളായ പൂര്വികരായിരുന്നു . പരിസ്ഥിതി സംരക്ഷണവും മത സൗഹാര്ദ്ദവും കാംക്ഷിച്ചിരുന്ന പൂര്വികര്.
വൃശ്ഛിക പൂംപുലരി, വ്രത ശുദ്ധി തരും പുലരി
വൃശ്ഛിക മാസത്തിന്റെ ആദ്യപുലരിയില് വ്രതം ആരംഭിക്കുന്നു. വ്രതം അനുഷ്ഠിക്കുമ്പോള് ഭക്തര് അയ്യപ്പമുദ്രയുള്ള മാല കഴുത്തിലണിയും. ഈ മാല ക്ഷേത്രസന്നിധിയിലോ ഗുരുസ്വാമിയുടെ
മുന്നിലോ പൂജിച്ചാണ് ധരിക്കാറ്. മാലയിടുന്നതോടെ വ്രതം ആരംഭിക്കയായി.
പതിനെട്ടാംപടി ചവിട്ടുന്നതിനു വ്രതനിഷ്ഠയിലും ഇത്രയും പടികള് താണ്ടണമെന്നു വിശ്വാസം. പഞ്ചേന്ദ്രിയങ്ങളായ കണ്ണ്, ചെവി, നാക്ക്, മൂക്ക്, ത്വക്ക്, അഷ്ടരാഗങ്ങളില്പെട്ട കാമം, ക്രോധം, ലോഭം, മോഹം, മദം, മാല്സര്യം, അഹങ്കാരം, അസൂയ, ത്രിഗുണങ്ങളായ സാത്വികം, രാജസം, താമസം തുടര്ന്നു വിദ്യ, അവിദ്യ എന്നിവയാണു മണ്ഡല വ്രതവേളയില് താണ്ടേണ്ട പടികള്.
|
അഭിപ്രായം,നിര്ദ്ദേശം
സുഹൃത്തിന് അയക്കൂ
പേജ് പ്രിന്റ്ചെയ്യൂ
