പ്രധാന താള് » മറ്റുള്ളവ » പ്രവാസി » പ്രവാസി വാര്ത്ത » ഫീസ് വര്ധന, പ്രവാസികള് പ്രതിഷേധത്തില് (NRI's protest on Fees hike)
Feedback
Print
ഫീസ് വര്ധന, പ്രവാസികള് പ്രതിഷേധത്തില് 
മനാമ, തിങ്കള്, 2 നവംബര് 2009( 20:14 IST )
PRO
അധികമായി ചുമത്തിയിരിക്കുന്ന തുക കേന്ദ്ര സര്ക്കാരിന്റെ കീഴിലുള്ള ഇന്ത്യന് കമ്മ്യൂണിറ്റി വെല്ഫെയര് ഫണ്ടിലേക്ക് വകയിരുത്തുമെന്ന് ഇന്ത്യന് സ്ഥാനപതി ഡോക്ടര് ജോര്ജ് ജോസഫ് അറിയിച്ചു. ഇന്ത്യന് കമ്മ്യൂണിറ്റി വെല്ഫെയര് ഫണ്ടില് നിന്നാണ് വിദേശത്തെ എംബസികള്ക്ക് സര്ക്കാര് ഗ്രാന്റ് അനുവദിക്കുന്നത്. ഈ വര്ഷം കേന്ദ്രസര്ക്കാര് ബഹ്റൈനിലെ ഇന്ത്യന് എംബസിയിലേക്ക് 15 ലക്ഷം രൂപ അനുവദിച്ചിരുന്നു.
തുടര്ന്നു വരുന്ന മൂന്നു വര്ഷവും ഇത് തുടരും. എന്നാല് മൂന്നു വര്ഷം കഴിയുമ്പോള് ഇത് തുടരുന്നതിനാവശ്യമായ തുക ഫണ്ടിലില്ലാതെ വരും. ഇത് മുന്നില്ക്കണ്ടു കൊണ്ടാണ് കേന്ദ്രസര്ക്കാറിന്റെ നിര്ദേശപ്രകാരം ഫീസ് വര്ധിപ്പിക്കാന് നിര്ബന്ധിതരായതെന്ന് അംബാസഡര് ജോര്ജ് ജോസഫ് പറഞ്ഞു.
അതേസമയം ഫീസ് വര്ദ്ധനയില് ബഹ്റൈനിലെ പ്രവാസി സംഘടനകള് പ്രതിഷേധമറിയിച്ചു. ഔട്പാസിനെങ്കിലും വര്ദ്ധന ബാധകമാക്കരുതെന്ന് ഇവര് ആവശ്യപ്പെട്ടിട്ടുണ്ട്. നിയമാനുസൃതമായ രേഖകളില്ലാത്തവര്ക്ക് നാട്ടില് പോകാനുള്ള രേഖയാണ് ഔട്പാസ്. പുതിയ നിരക്കനുസരിച്ച് ഔട്പാസ് ലഭിക്കാന് എട്ടു ദിനാര് നല്കേണ്ടിവരുമെന്നതാണ് പ്രവാസികളെ കുഴക്കുന്നത്.