പുതിയ കാവ്യധാര പകര്‍ന്ന കട്ടക്കയം

കട്ടക്കയം ചെറിയാന്‍ മാപ്പിളയുടെ കവിതകള്‍ മലയാളത്തിലെ വേറിട്ട ശബ്ദമാണ്.കേരള വര്‍മ പാരന്പര്യത്തിലൂന്നിയാണ് കട്ടക്കയത്തിന്‍റെ കാവ്യരചനയെങ്കിലും, മറ്റൊരു സംസ്കാരികത്തനിമ മലയാളത്തിലേക്ക് ആവാഹിക്കാനായി എന്നതാണ് അദ്ദേഹത്തിന്‍റെ നേട്ടം. കാവ്യങ്ങളും നാടകങ്ങളും മഹാകാവ്യവും മാത്രമല്ല ആട്ടക്കഥയും അദ്ദേഹം രചിച്ചു - എല്ലാം ക്രൈസ്തവ ഇതിവൃത്തങ്ങളായിരുന്നു എന്ന് മാത്രം. അതാണവയുടെ ഗുണവും സവിശേഷതയും. 1936 നവംബര്‍ 29 നായിരുന്നു ചെറിയാന്‍ മാപ്പിളയുടെ അന്ത്യം. കോട്ടയം ജ-ില്ലയിലെ പാലായില്‍ 1859 ഫെബ്രുവരി 24 നായിരുന്നു ജ-നനം. അന്നു വരെ പരിചിതമല്ലാത്ത സംസ്കാരിക സരണിയിലൂടെ ഏറെ ദൂരം അദ്ദേഹം കവിതയെ കൈപിടിച്ചു നടത്തി .ചെറുപ്പത്തിലേ സംസൃതം അഭ്യസിച്ചതാണ് ചെറിയാന്‍ മാപ്പിളയിലെ കവന കൗതുകം പുറത്തറിയാന്‍ കാരണമായത്. അദ്ദേഹം പില്‍ക്കാലത്ത് മനോരമയില്‍ കവിതകളെഴുതിപ്പോന്നു. ശ്രീ യേശു വിജ-യം മഹാകാവ്യമാണ് കട്ടക്കയത്തെ ചരിത്ര പുരുഷനാക്കുന്നത്. 15 കൊല്ലം കൊണ്ടാണ് ഇതിന്‍റെ രചന പൂര്‍ത്തിയായത്.1911ല്‍ തുടങ്ങി 1926 ല്‍ പൂര്‍ത്തിയാക്കി.3719 പദ്യങ്ങള്‍ 24 സര്‍ഗങ്ങളിലായാണ് ക്രമീകരിച്ചിരിക്കുന്നത്.