മോഹന്ലാല്. മിടുക്കുള്ള സംവിധായകനെ സംബന്ധിച്ച് കളിമണ്ണാണ് ഈ നടന്. കാരണം കഥാപാത്രത്തിനായി എങ്ങനെ വേണമെങ്കിലും അദ്ദേഹത്തെ വളച്ചെടുക്കാം.
ഓരോ ചോദ്യത്തിനും പഴുതുകളില്ലാത്ത തത്വശാസ്ത്രത്തിന്റെ അടിത്തറയോടെ ഉത്തരം പറയുവാന് കഴിയുന്ന അപൂര്വ്വം വ്യക്തികളില് ഒരാളാണ് ലാല്. സ്വന്തം ജീവിതത്തില് നിന്ന് തത്വശാസ്ത്രം ഉണ്ടാക്കിയെടുത്തവന്. ഭൂമിയിലെ പ്രകൃതിയേയും മനുഷ്യരെയും ബഹുമാനിക്കുന്ന ആദരണീയനായ താരം.
ഡി.സി. ബുക്സ് പുറത്തിറക്കിയ ‘ഋതു മര്മ്മരങ്ങള്’ മോഹന് ലാലിന്റെ ഓര്മ്മ കുറിപ്പുകളാണ്. ജീവിതത്തിന്റെ ഓരോ നിമിഷവും ലാല് ആസ്വദിക്കുകയും വിശകലനം ചെയ്യുകയും ചെയ്യുന്നുവെന്ന് ഈ പുസ്തകം വായിച്ചു കഴിഞ്ഞാല് നമ്മള്ക്ക് മനസ്സിലാകും. ആസ്വാദകര് അദ്ദേഹത്തിന്റെ ഓരോ നിമിഷത്തെയും സ്വന്തമെന്ന പോലെ സ്നേഹിക്കുന്നു.
ജീവിതത്തിന്റെ അര്ത്ഥം തേടുന്ന ഒരു അന്വേഷി ലാലിലുണ്ട്. വ്യത്യസ്ത ഭൂപ്രദേശങ്ങള്, സംസ്കാരങ്ങള് തേടി അലയുവാന് അദ്ദേഹം ആഗ്രഹിക്കുന്നു
കുടജാദ്രിയുടെ ആത്മീയ കുളിര്മ്മയില് ലയിച്ച് ഇല്ലാതാകുവാന് അതിനാലാണ് അദ്ദേഹം പുറപ്പെട്ടത്. ആത്മീയതയെ ഭൌതിക നേട്ടം ഉണ്ടാക്കുവാനുള്ള കുറുക്കുവഴിയായി പലരും കാണുന്നു.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
