ആധുനിക യുറോപ്യന് ഭാഷകളിലുണ്ടായ ആദ്യകാല നോവലും സ്പാനിഷിലെ ഏറ്റവും മികച്ച കൃതികളിലൊന്നുമാണ് ഡോണ്ക്വിക്സോട്ട് ഡി. ലാ മഞ്ച. മീഗ്വെല് ഡി സെര്വന്റെസ് ആണിത് രചിച്ചത്. നോവല് പിറന്നിട്ട് 2008 ല് 403 വര്ഷം തികഞ്ഞു .
എക്കാലത്തെയും മികച്ച ലോവലെന്ന് ചിലരെങ്കിലും വിശ്വസിക്കുന്ന ഈ പുസ്തകത്തിന്റെ ആദ്യപ്രതി പുറത്തിറങ്ങിയത് 1605 ജനുവരി 16-നായിരുന്നു - സ്പെയിനിലെ മാഡ്രിഡില്. രണ്ട് ഭാഗങ്ങളുള്ള പുസ്തകമാണിത്. രണ്ടാം ഭാഗം സെര്വന്റെസ് ് മരിക്കുന്നതിന് തൊട്ടു തലേ കൊല്ലം --1615ല് ആണ് പ്രസിദ്ധീകൃതമായത്.
ഡോണ് ക്ളിസോട്ടിന്റെ യാത്രകളും സാഹസങ്ങളും മറ്റും വിവരിക്കുന്ന ഈ നോവല് ഒരു തമാശ കൃതിയായാണ് ലോകം വിലയിരുത്തിയത്. പക്ഷെ ഇതൊരു തമാശയല്ല ജീവിത ഭാഗമാണെന്ന് പിന്നീട് തിരിച്ചറിഞ്ഞു.
നോവലുകള് ഗുണപാഠം നല്കുമെന്ന് വിശ്വസിച്ച ആളായിരുന്നു സെര്വന്റെസ് പക്ഷേ അദ്ദേഹം അവ ഉപദേശിക്കാന് ഇഷ്ടപ്പെട്ടില്ല.അതുകൊണ്ട് എല്ലാവര്ക്കും എല്ലാ കാലത്തേക്കുമുള്ള ഉപദേശങ്ങള് ഡോണ് ക്വിക്സോട്ടിന്റെ വെളിപാടുകളായി പുറത്തു വിടുകയായിരുന്നു.
ക്വിക്സോട്ട് എന്നാല് പടച്ചട്ട എന്നാണ് സ്പാനിഷില് അര്ത്ഥം. ക്വിക്സോട്ടിക്ക് എന്നാല് നടപ്പാക്കാനാവാത്ത ആദര്ശപരത എന്നര്ത്ഥം - രണ്ടും കഥാനായകന് ചേരുന്ന വിശദീകരണം തന്നെ.
സ്പെയിനിലെ താഴെക്കിടയിലുള്ള കുടുംബത്തില് പിറന്ന അലന്സോ ക്വീജ-ാനോ അഥവാ ക്വിസേഡ ആണ് നോവലില് വീരസാഹസിക കഥകളില് കമ്പം കയറി സ്വയം ഡോണ് ക്വക് സോട്ട് ഡി. ലാ മഞ്ച ആവുന്നത്.
അദ്ദേഹം തന്റെ മെലിഞ്ഞുണങ്ങിയ റോസിനേറ്റ് എന്ന കുതിരപ്പുറത്ത്, കൂട്ടാളിയായ സഞ്ചോ പാന്സയുമൊത്ത് --- അദ്ദേഹത്തിനുമുണ്ട് ഒരു ചെറിയകുതിര-സ്പെയിന് ചുറ്റിക്കറങ്ങി യാത്ര പുറപ്പെടുന്നു. ആ യാത്രയില് തെറ്റുകളെ അദ്ദേഹം ശരിയായി കണ്ടു. മര്ദ്ദിതരെ സംരക്ഷിച്ചു.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
