“ ഇതെന്തൊരു ടെന്ഷന് ” എന്ന് ഒരിക്കലെങ്കിലും പറയാത്തവരുണ്ടോ. ഇല്ല നമുക്കെല്ലാം മാനസിക പിരിമുറുക്കം ഉണ്ടാവാം. പക്ഷേ അതെങ്ങനെ മറികടക്കും. മനസ്സിനെ തഴുകി തലോടുന്ന ഒരു മൃദുഗാനം ഒരു പക്ഷേ മരുന്നായി പ്രവര്ത്തിച്ചേക്കാം. എന്നാല് ഇതിനെക്കാള് നല്ലൊരു ‘ ടെന്ഷന് കൊല്ലി ’ മരുന്നുണ്ട് എന്നാണ് ഗവേഷകര് പറയുന്നത്.പിരിമുറുക്കം കുറയ്ക്കാനുള്ള ഏറ്റവും നല്ല മരുന്ന് വായനയാണെന്നാണ് ഗവേഷകര് കണ്ടെത്തിയിരിക്കുന്നത്. ആറ് മിനിറ്റ് നേരത്തെ വായന നിങ്ങളുടെ മാനസിക പിരിമുറുക്കം മൂന്നിലൊന്നായി കുറയ്ക്കുമത്രേ !മനസ്സ് പൂര്ണമായും വായനയില് കേന്ദ്രീകരിക്കുന്നതാണ് പിരിമുറുക്കത്തെ ദൂരെ നിര്ത്താന് സഹായിക്കുന്നത്. വായനയുടെ ലോകത്തില് വിഹരിക്കുമ്പോള് മസിലുകളിലെയും ഹൃദയത്തിലെയും പിരിമുറുക്കം കുറയാന് കാരണമാവുമെന്ന് ഗവേഷണ സംഘത്തെ നയിച്ച ഡോ. ഡേവിഡ് ലൂയിസ് പറയുന്നു. |
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
