ഒട്ടേറെ രോഗങ്ങളുടെ ആതിഥേയനാണ് അമിത വണ്ണം. പ്രമേഹം, അമിതരക്ത മര്ദ്ദം, ഇശ്ചാമിനിക് ഹൃദയ രോഗങ്ങള് എന്നിവ പൊണ്ണത്തടി മൂലം ഉണ്ടാവും എന്ന കാര്യം വൈദ്യശാസ്ത്ര രംഗം ശരിവച്ചിട്ടുണ്ട്.
ഞെട്ടിപ്പിക്കുന്ന മറ്റൊരു തിരിച്ചറിവ് പതിനാലു മുതല് 20 ശതമാനം വരെ കാന്സറിന് പൊണ്ണത്തടി മൂലം ആണ് ഉണ്ടാവുന്നത് എന്നാണ്. നൂറു കണക്കിന് കാന്സര് പഠനങ്ങളുടെ വിശകലനത്തില് നിന്നാണ് ഈ വിവരം ലഭ്യമായത്.
കാന്സര് രോഗിയുടെ ലക്ഷണം മെലിഞ്ഞു ചടച്ച പ്രകൃതം ആയിരുന്നു. തടിച്ച ഒരാള്ക്ക് കാന്സര് ഉണ്ടാവില്ല എന്നായിരുന്നു വിശ്വാസം. എന്നാല് സത്യം അതല്ല. പുരുഷന്മാരുടെ കാര്യത്തില് ബി.എം.ഐ (ബോഡി മാസ് ഇന്ഡെക്സ്) അഞ്ച് പോയിന്റില് കൂടുതല് ആണെങ്കില് കൊളോണ് കാന്സര് വരാനുള്ള സാധ്യത 55 ശതമാനം കൂടുതലാണ്.
ഇതേ വര്ധന സ്ത്രീയുടെ ബി.എം.ഐ യില് കാണുകയാണെങ്കില് അവര്ക്ക് സ്തനാര്ബ്ബുദമോ ഗര്ഭപാത്ര അര്ബ്ബുദമോ വരാനുള്ള സാധ്യത 50 ശതമാനം കൂടുതലാണ്.
ആണിന്റെയും പെണ്ണിന്റെയും കാര്യത്തില് അമിത ഭാരം കൂടും തോറും ഓസിയോഫാഗസ്, വൃക്കകള്, ഗാള് ബ്ലാഡര്, പാന്ക്രിയാസ് എന്നിവയ്ക്ക് കാന്സര് വരാനുള്ള സാധ്യതയും കൂടും. ലിംഫോമാസും പല തരത്തിലുള്ള രക്താര്ബ്ബുദവും പൊണ്ണത്തടി കൊണ്ട് വരാം എന്നാണ് പഠനങ്ങള് വ്യക്തമാക്കുന്നത്.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
