മദ്യം അത് ഏത് തരമായാലും അല്പ്പം അകറ്റി നിര്ത്തിയാല് നല്ലത് എന്നാണ് ആരോഗ്യ വിദഗ്ധര് ഉപദേശിക്കാറുള്ളത്. എന്നാല് വീഞ്ഞിനെ കുറ്റം പറയുന്നതിന് മുമ്പ് ഒരു നിമിഷം.....വീഞ്ഞ് മിതമായ അളവില് കഴിക്കുന്നത് ജീവിത ദൈര്ഘ്യം കൂട്ടിയേക്കാമെന്ന് ഒരു പഠനത്തില് പറയുന്നു. കേള്ക്കുന്നവര്ക്ക് അത്ഭുതം തോന്നിയേക്കാവുന്ന ഈ പഠനം ‘ജേര്ണല് ഓഫ് എപിഡിമിയോളജി ആന്ഡ് കമ്യൂണിറ്റി ഹെല്ത്ത്’ ഉടന് പ്രസിദ്ധീകരിക്കും. നാല്പ്പത് വര്ഷം, അതായത് 1960 മുതല് 2000 വരെയാണ് ഗവേഷകര് ഇതു സംബന്ധിച്ച പഠനം നടത്തിയത്. ഇതിനായി 1,373 ആളുകളെ നിരീക്ഷണ വിധേയമാക്കി. ഇതില് 1,130 പേര് 40 വര്ഷം തികയുമ്പോഴേക്കും മരണമടഞ്ഞു. ഇതില്, പകുതി പേരും ഹൃദയ സംബന്ധമായ അസുഖം കാരണമാണ് മരണമടഞ്ഞത്.ദിവസവും അര ഗ്ലാസില് കുറവ് വീഞ്ഞ് കഴിച്ചവര് മറ്റ് മദ്യം കഴിക്കുന്നവരെക്കാള് 2.5 വര്ഷവും മദ്യം കഴിക്കാത്തവരെക്കാള് അഞ്ച് വര്ഷവും കൂടുതല് ജീവിച്ചിരുന്നു. വീഞ്ഞല്ലാത്ത മദ്യം പരിമിതമായ അളവില് കഴിക്കുന്നവരാവട്ടെ മദ്യം കഴിക്കാത്തവരെക്കാള് രണ്ട് വര്ഷം അധികം ജീവിച്ചിരുന്നു എന്നും ഗവേഷകര് പറയുന്നു.എന്തായാലും ഇതെ കുറിച്ചുള്ള കൂടുതല് വിവരങ്ങള് പുറത്ത് വരാനിരിക്കുന്നതേ ഉള്ളൂ. |
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
