മീന്‍ മസാല സാന്‍‌വിച്ച്

എപ്പോഴും ബേക്കറി പലഹാരങ്ങള്‍ വാങ്ങിക്കഴിച്ച് ആരോഗ്യം മോശമാക്കാതെ അല്‍പ്പം സ്വയം പരീക്ഷണങ്ങളൊക്കെ ആരംഭിച്ചോളൂ. ഇതാ മീന്‍ മസാല സാന്‍വിച്ച്.. ചേരുവകള്‍: മുള്ളില്ലാത്ത മീന്‍ 1/2 കിലോ ഉപ്പ്, മഞ്ഞള്‍പ്പൊടി ആവശ്യത്തിന് തേങ്ങ 1 1/2 കപ്പ് മുളകുപൊടി 1 ടീസ്പൂണ്‍ കുരുമുളക് പൊടി 1 ടീസ്പൂണ്‍ തക്കാളി 2 എണ്ണം റൊട്ടി ആവശ്യത്തിന് സവാള അരിഞ്ഞത് 2 എണ്ണം ഇഞ്ചി അരിഞ്ഞത് 1 കഷ്ണം പച്ചമുളക് നാല് വെളുത്തുള്ളി അഞ്ച് അല്ലി കറിവേപ്പില 3 തണ്ട് തയ്യാറാക്കുന്ന വിധം: മീന്‍ മഞ്ഞള്‍പ്പൊടിയും ഉപ്പും ചേര്‍ത്ത് വേവിക്കുക. സവാള, ഇഞ്ചി, പച്ചമുളക്, വെളുത്തുള്ളി, കറിവേപ്പില എന്നിവ ചെറുതായി അരിഞ്ഞ് വഴറ്റുക. ഇതോടൊപ്പം തേങ്ങ ചിരകിയത് ചേര്‍ത്ത് ഇളം ബ്രൌണ്‍ നിറമാകുംവരെ വഴറ്റുക. ഈ കൂട്ടിലേക്ക് മീന്‍ വേവിച്ചുവച്ചത് ചേര്‍ത്ത് വഴറ്റുക. ആവശ്യാനുസരണം റൊട്ടിക്കഷ്ണങ്ങള്‍ക്കിടയില്‍ മീന്‍ മസാല വെച്ച് സാന്‍‌വിച്ച് തയ്യാറാക്കാം.