കാര്യം നിസ്സാരം | മുഖാമുഖം | നിരൂപണം | അണിയറ | ഹോളിവുഡില് നിന്ന് | ചലച്ചിത്രഗാനങ്ങള് | സിനിമാ വിലാസങ്ങള് | കഥാപുരുഷന് | സിനിമാ വാര്ത്ത | മികച്ച സിനിമകള് | മികച്ച പാട്ടുകള്
പ്രധാന താള് 
വിനോദം » സിനിമ » നിരൂപണം » സിനിമ ഇങ്ങനെ ആയിരിക്കരുത് ഭഗവാന്! (Mohanlal's Bhagavan irritates cinema viewers)
വിനോദം » സിനിമ » നിരൂപണം » സിനിമ ഇങ്ങനെ ആയിരിക്കരുത് ഭഗവാന്! (Mohanlal's Bhagavan irritates cinema viewers)
Feedback
Print
സിനിമ ഇങ്ങനെ ആയിരിക്കരുത് ഭഗവാന്! 
യാത്രി ജെസെന്
ശനി, 16 മെയ് 2009( 18:07 IST )
 | ||
|
കുരുതിപ്പുനല്, എ വെനസ്ഡേ എന്നിങ്ങനെയുള്ള സിനിമകളെ പോലെ ദ്രുതഗതിയില് വികസിക്കുന്ന ഭഗവാനിലെ സംഭവഗതികള്ക്കിടയില് ആര്ക്ക് കണ്ട് രസിക്കാനാണാവോ സംവിധായകന് പാട്ടുകള് കുത്തിക്കയറ്റിയിരിക്കുന്നത്? പ്രശസ്ത കവിയായ മുരുകന് കാട്ടാക്കടയും ഭഗവാന് വേണ്ടി ഗാനരചന നടത്തിയിട്ടുണ്ട് എന്ന് എവിടെയോ വായിച്ചിരിരുന്നു. എന്തായാലും ഇതിലെ ഗാനരംഗങ്ങള് കാണണമെങ്കില് ‘കണ്ണടകള് വേണം, മുന്ഭാഗം മൂടിക്കെട്ടിയ കണ്ണടകള് വേണം’. ചില രംഗങ്ങളുടെ ആവര്ത്തനം കണ്ട് മടുത്ത പ്രേക്ഷകര് കൂവിയും സീറ്റുകളില് ഇടിച്ചും ബഹളമുണ്ടാക്കിയത് കൌതുകകരമായി തോന്നി. ‘താരമല്ല താരം’ എന്നാണ് പ്രേക്ഷകര് വിളിച്ചുപറയുന്നത് എന്ന് തോന്നി.
‘വേട്ടയാട് വിളയാട്’, ‘പഠിക്കാതവന്’ തുടങ്ങിയ തമിഴ് സിനിമകളില് സൈക്കോപാത്ത് വില്ലനായി അവതരിപ്പിക്കപ്പെട്ട ഡാനിയല് ബാലാജിയാണ് ഭഗവാനിലെ വില്ലന്. തമിഴില് ചെയ്തുകൊണ്ടിരിക്കുന്ന സൈക്കോപാത്ത് വേഷം പോലൊന്ന് ഇതിലും ബാലാജിക്ക് ലഭിച്ചിരിക്കുന്നു. അതുകൊണ്ടുതന്നെ കണ്ട് പഴകിയ വില്ലന് വേഷം മാത്രമാണ് ബാലാജിയുടേത്. ബാലഗോപാലിന്റെ ഭാര്യയെ അവതരിപ്പിക്കുന്നത് ലക്ഷ്മി ഗോപാലസ്വാമി. ഇതും തഥൈവ വേഷം തന്നെ. ഷഫ്ന, സുധീഷ്, ശിവജി ഗുരുവായൂര്, ലക്ഷണ, ലെന, ഇബ്രാഹിംകുട്ടി, ശ്രീലത തുടങ്ങിയവരും ലക്കും ലഗാനുമില്ലാതെ സിനിമയില് പ്രത്യക്ഷപ്പെടുന്നത് കാണാം.
ഒറ്റ ലൊക്കേഷനില് ആറ് സെറ്റുകളിട്ട് ഒരേ സമയം ആറോളം ക്യാമറകള് ഉപയോഗിച്ചാണ് ചിത്രം തയ്യാറാക്കിയിട്ടുള്ളത്. പക്ഷേ, സിനിമ കണ്ടാല് ‘അങ്ങനെ തോന്നുകയേ ഇല്ല’! ലോകനാഥാണ് ഭഗവാന് വേണ്ടി ആറുക്യാമറകളും ചലിപ്പിച്ചിരിക്കുന്നത്. അരുണ് മൂവീസിന്റെ ബാനറില് പികെ ചന്ദ്രന് നിര്മിച്ച് അരുള് റിലീസ് വിതരണം ചെയ്യുന്ന ഈ ചിത്രം എന്തായാലും സിനിമ എങ്ങനെ ആയിരിക്കരുത് എന്നതിന് ഉത്തമോദാഹരണമാണ്.
തിരച്ചിലുമായി ബന്ധപ്പെട്ട വിവരങ്ങള്