കൈലാസ് നാഥിന്റെ മകന് പ്രിയാന്ഷു മാളിക വില്ക്കാന് തുടങ്ങുന്നതോടെ കാര്യങ്ങള് കൂടുതല് കുഴപ്പത്തിലായി. അമിതാഭ്, അമന് എന്നിവരെ നന്നായി കൈകാര്യം ചെയ്യാന് സംവിധായകനു കഴിയുന്നുണ്ട്. ആദ്യ പകുതി തമാശകളാല് സമ്പന്നമാണ്. ചിത്രത്തില് ശ്രദ്ധേയം അമന് സിദ്ദിഖിയുടെയും അമിതാഭിന്റെയും മികച്ച പ്രകടനം തന്നെ.
പശ്ചാത്തല സംഗീതത്തിനു കൂടുതല് പ്രാധാന്യമുള്ള ചിത്രത്തില് വിശാല് ശേഖറിന്റെ രണ്ട് പകുതികളിലായി ചേര്ത്തിരിക്കുന്ന പാട്ട് തരക്കേടില്ലെന്ന് പറയേണ്ടി വരും. അതേ സമയം നയനാന്ദകരമായ ദൃശ്യങ്ങളാല് സമ്പന്നമാണ് ചിത്രം. ഛായാഗ്രഹണം നന്നായിരിക്കുന്നു. സ്പെഷ്യല് ഇഫക്ടുകളും തീര്ച്ചയായും ശ്രദ്ധിക്കപ്പെടേണ്ടത് തന്നെയാണ്.
കാണിക്കുന്ന രംഗങ്ങളിലെല്ലാം തമാശകള് ചെയ്യുന്ന ജൂഹി ചൌള നന്നായി ചിരിപ്പിക്കും. ഒന്നു മിന്നിമറയുന്ന ഷാരൂഖിന്റെ സാന്നിദ്ധ്യവും സന്തോഷം പകരുന്നതാണ്. ചെറിയ വേഷങ്ങള് ആണെങ്കിലും സതീഷ് ഷായും രജ്പാല് യാദവും ഒരുക്കുന്ന തമാശകള് നന്നായിരിക്കുന്നു. എന്നിരുന്നാലും സമയം കളയുക എന്ന ഉദ്ദേശം മുന് നിര്ത്തി മാത്രമേ ചിത്രം കാണാവൂ.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
